သဖန်းဆိပ်ဆည်အနောက်ပိုင်း ကျေးရွာများတွင်ပြည်သူ့ကာကွယ်ရေးတပ်ဖွဲ့ ( PDF) လွတ်မြောက်နယ်မြေရှိသည်ဟုတလွဲယုံကြည်နေသည့်အာဏာသိမ်းစစ်ကောင်စီတပ်ကကျွန်းလှမြို့နယ်ကို လေးဘက်လေးတန်မှ ပိတ်ဆို့တိုက်ခိုက်နေသည်ဟု ဒေသခံများကပြောသည်။
ကျွန်းလှမြို့နယ်တွင် ပါဝင်ပြီး သဖန်းဆိပ်ဆည်အနောက်ဘက်ပိုင်းကျေးရွာများဖြစ်သော အင်တိုင်း၊အင်လှ၊ကျွဲတဲ၊အေးချမ်းသာ၊လိပ်ဆင်းတောင်၊တပူတော၊ပေပင်ချောင်၊ ဥသျှစ်ကုန်းနှင့်မြနှစ်ကျေးရွာများကို အကြမ်းဖက်စစ်ကောင်စီတပ်ကအင်းအားအများအပြားဖြင့် မွှေနှောက်စစ်ဆေးနေသည်ဟုဒေသခံများကပြောသည်။
“စစ်တပ်လုပ်ပေါက်က တော်တော် လူမဆန်တာ။ရွာတစ်ရွာကို ဝင်ကာနီး အမြောက်နဲ့ အရင်ထုတာ။ မနိုင်ဘူးထင်တဲ့နေရာတွေကို အပေါ်ကနေ(ရဟတ်ယာဥ်ဖြင့်)ဗုံးကျဲတယ်။
အခုဆို ရွာတွေကို စွန့်ပြီး ပြေးရတာအရပ်သား လေးထောင်ကျော်နေပြီ” ဟု ဒေသတစ်ဦးကပြောသည်။
နိုဝင်ဘာ ၆ရက်ကတိုက်ပွဲတွင် အကြမ်းဖက်စစ်ကောင်စီဘက်က ၃၁ဦးသေဆုံးပြီး PDF တပ်ဖွဲ့ဝင်တစ်ဦး ဒဏ်ရာရခဲ့သည်ဟု PDFတပ်ဖွဲ့ဝင်တစ်ဦးကလည်းပြောသည်။
Public Service Announcement
“ကျွန်းလှကို တော်တော် ရှိန်နေတယ်ထင်တယ်။ ဘက်ပေါင်းစုံကနေ စစ်ကြောင်းထိုးတာ။ အထူးသဖြင့်တော့ သဖန်းဆိပ်ဆည်အနောက်ပိုင်းရွာတွေကို ဝိုင်းတာ။ အမှန်တကယ်က ဒီမှာ PDF လွတ်မြောက်နယ်မြေမရှိပါဘူး။ ရသလိုတော်လှန်တာမျိုးပါပဲ” ဟု အထက်ပါ PDFတပ်ဖွဲ့ဝင်ကဆက်ပြောသည်။
ယနေ့(နိုဝင်ဘာ ၇)တွင်လည်း စစ်ကောင်စီကလက်နက်ကြီးများဖြင့် ရမ်းသန်း၍ဆက်လက်ပစ်ခတ်နေပြီး ဒေသခံပြည်သူ့ကာကွယ်ရေးတပ်များက ပြောက်ကျားနည်းဖြင့် ခုံခံတိုက်ခိုက်နေသည်ဟု ကိုယ်တိုင်တိုက်ပွဲဝင်နေသူအချို့ကပြောသည်။
