Connect with us

Hi, what are you looking for?

LuduNwayOo

News

ကလေးတွင် တိုက်ပွဲပြင်းထန်နေ၊ စစ်ကောင်စီထံကျည်ဆံလာပို့သည့် ပျုစောထီးဆယ်ယောက်ကိုသုတ်သင်ပြီးကျည်ဆံများသိမ်းဆည်နိုင်ခဲ့ဟု Yaw Eagle ထုတ်ပြန်

ကလေးမြို့နယ် ဟံသာဝတီရွာမှညိုဝင်း၊ ဘိုမြင့်နှင့် ကျော်ဝင်းတို့ပါဝင်သော ပျူစောထီးအဖွဲ့ဝင်ဆယ်ဦးကို ဒေသခံပြည်သူ့ကာကွယ်ရေးတပ်ဖွဲ့ က ယနေ့(နိုဝင်ဘာ ၈ရက်)နံနက်ပိုင်း သုတ်သင်လိုက်ခြင်းဖြစ်သည်။

ကလေးမြို့နယ်တွင် အကြမ်းဖက်စစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်များ ယနေ့ နံနက် တိုက်ပွဲပြင်းထန်နေပြီး စစ်ကောင်စီထံ သေနတ်ကျည်လာပို့သည့် ပျုစောထီးဆယ်ယောက်ကို ကြားဖြတ်သုတ်သင်လိုက်သည်ဟု ပြည်သူ့ကာကွယ်ရေးတပ်ဖွဲ့ကသတင်းထုတ်ပြန်သည်။

ကလေးမြို့နယ် ဟံသာဝတီရွာမှညိုဝင်း၊ ဘိုမြင့်နှင့် ကျော်ဝင်းတို့ပါဝင်သော ပျူစောထီးအဖွဲ့ဝင်ဆယ်ဦးကို ဒေသခံပြည်သူ့ကာကွယ်ရေးတပ်ဖွဲ့ က ယနေ့(နိုဝင်ဘာ ၈ရက်)နံနက်ပိုင်း သုတ်သင်လိုက်ခြင်းဖြစ်သည်။

” ဟံသာဝတီ စခန်းထဲကနေပျူစောထီး ၁၀ ကောင် သူ့ပထွေး စစ်ခွေးတွေဆီရာရာစစ ကျည်လာပို့ရဲသေးတယ်။ငါတို့ မြေပြင်အဖွဲ့ တွေရဲ့ချိတ်ဆက်မှုကို အထင်သေးတာကို။ ၁၀ ကောင် လုံးငါးစာကျွေးလိုက်ပြီ” ဟု Yaw Eagle အဖွဲ့က သတင်းထုတ်ပြန်ပြီး ” ညိုဝင်း၊ ဘိုမြင့်၊ ကျော်ဝင်း တို့ရေ ကျေးဇူးတင်တယ်နော်။ နောက်ထပ်ပို့ချင် ပို့လာအုံးလေ” ဟု ရေးသားထားသည်။

ပျူစောထီအဖွဲ့ဆီမှ ဆိုင်ကယ် ၅ စီး၊ M16 ကျည် ကျောပိုးအိတ် ၃ လုံးသိမ်းဆည်းနိုင်ခဲ့သည်ဟုသတင်းထုတ်ပြန်ထားသည်။

” Yaw Eagle က မြေပြင်မှာ အလုပ်လုပ်နေတဲ့ သူတွေ။ ဒီနေ့လည်း ကလေးတစ်မြို့လုံးကို မီးဖြတ်ထားတယ်။ ညကလည်း ချတယ်။ဒီမနက်လည်း အစောကြီးကတည်းက တိုက်ပွဲတွေ ဖြစ်နေတယ်” ဟု ဒေသခံတစ်ဦးကပြောသည်။

ယောဒေသနှင့် ထိစပ်နေပြီး ကလေးမြို့နယ်တွင်ပါဝင်သော ထယ်လှော်ကျေးရွာနှင့်ဟံသာဝတီရွာအနီးတွင် တိုက်ပွဲဖြစ်နေပြီး စစ်ကောင်စီဘက်မှ အထိနာနေသည်ဟု ကနဦးထွက်ပေါ်နေသော သတင်းကို ဒေသခံများက အသိပေးသည်။

” စစ်ခွေးအလောင်းတွေ အများကြီးရတယ်ကြားတယ်။ တရားဝင်သတင်းတော့ မထုတ်သေးဘူး” ဟု ကလေးမြို့ခံတစ်ဦးကပြောသည်။

ကလေးမြို့အပါအဝင်စစ်ကိုင်းတိုင်းအတွင်းရှိ ပြည်သူ့ကာကွယ်ရေးတပ်များကို စစ်ကောင်စီက ထိုးစစ်ဆင်တိုက်ခိုက်နေသော်လည်း မဟာမိတ်များ၏စုစည်းအား၊ ပြည်သူလူထု၏ ထောက်ခံအားပေးမှုဖြင့် ကြံ့ကြံ့ခံရင်ဆိုင်တိုက်ပွဲဝင်သွားမည်ဟု Kalay PDFက သတင်းထုတ်ပြန်ထားသည်။

You May Also Like

သတင်း

ယမန်နေ့(ဒီဇင်ဘာ ၂ရက်) ညနေပိုင်း၌ ညောင် လေးပင်ခရိုင် ရွှေကျင်နှင့် ကျောက်ကြီးမြို့နယ် တို့ရှိ ကျေးရွာများသို့ လေကြောင်းမှ တပြိုင်တည်းတိုက်ခိုက်လာခြင်းဖြစ်သည်။

သတင်း

ကံတော်ရာတောင်‌ပေါ်၌ တပ်စွဲထားလျက်ရှိသောစစ်ကောင်စီတပ်သည် ဒီဇင်ဘာ ၁ ရက်တွင် အင်အားအများအပြားဖြည့်တင်းပြီး စစ်ရေးလှုပ်ရှားမှုများပြုလုပ်ခဲ့သည်ဟု ဆိုသည်။

သတင်း

ဒေါင်းမင်းသားမြို့ပြပြောက်ကျားတပ်ဖွဲ့(ရေတာရှည်)သည် တောင်ငူခရိုင် PDF တပ်ရင်း (၃၅၀၁)၊ တပ်ခွဲ (၃)အဖြစ် NUG အစိုးရ၊ ကာကွယ်ရေးဝန်ကြီးဌာနအောက်ရှိ တပ်ခွဲတစ်ခုဖြစ်ပြီး တောင်ငူခရိုင် PDF နှင့် ပူးတွဲစစ်ဆင်ရေးများ ဆက်နွှဲလျှက်ရှိသည်။

သတင်း

ထိုဖြစ်စဥ်ကို Natogyi Regional Defence Force - NRDFနှင့် The Value Of Young Men(တောင်သာ)၊ မလှိုင်တော်လှန်ရေးအင်အားစုတို့က ပူးပေါင်းဆောင်ရွက်ခဲ့ကြောင်း အသိပေးထားသည်။