စစ်ကိုင်းတိုင်း၊ မုံရွာမြို့တွင် ယမန်နေ့တစ်ရက်တည်း ဒလန်လုပ်ကြံခံရမှု၊ စစ်တပ်ပိုင် Ruby စီးကရက်ရုံးဖောက်ခွဲခံရမှု၊စစ်ကောင်စီတပ်များ၏ ကင်းတဲတစ်ခု မိုင်းခွဲတိုက်ခိုက်ခံရမှုနှင့် စစ်တပ်စခန်းချရာ ဆည်မြောင်းရုံးတိုက်ခိုက်ခံရမှုများ ဖြစ်ပွားခဲ့ကြောင်း ဒေသခံများက ပြောသည်။
နိုဝင်ဘာလ ၈ ရက် နံနက်ခင်းပိုင်းက မုံရွာမြို့ ရတနာပုံကျောက်ကျင်းမှ ဒလန်ဖြစ်သော ဦးအောင်သောင်း(ခ)မွတ်တားကို လုပ်ကြံတိုက်ခိုက်ခဲ့ကြောင်း၊ သို့ရာတွင် လက်နက်မပြည့်စုံမှုကြောင့် ထိုလူသည် ဒဏ်ရာများစွာ ရကာ ထွက်ပြေးလွတ်မြောက်သွားကြောင်း၊ တူမီးဒဏ်ရာရသွားသူအဆိုပါလူအား ဆက်လက်တိုက်ခိုက်ရန်လုပ်သော်လည်း ရဲဘော်များ၏ လုံခြုံရေးကြောင့် တပ်ပြန်ဆုတ်ခဲ့ရကြောင်း မုံရွာမြို့နယ် အနောက်မြောက်လွင်ပြင် တော်လှန်ရေးအင်အားစုက သတင်းထုတ်ပြန်သည်။
ညနေ (၄)နာရီ(၅)မိနစ်အချိန်တွင်လည်း မုံရွာမြို့၊ ဗိုလ်တေဇလမ်းပေါ်ရှိ Ruby ဆေးလိပ်ရုံးခွဲတစ်ခုအား အသံဗုံးဖြင့် သတိပေးဖောက်ခွဲခဲ့ပြီးအဆိုပါ Ruby ဆေးလိပ်ရုံးခွဲသည် စစ်ကောင်စီထောက်တိုင်ဖြစ်နေသောကြောင့် ပထမဆုံးအနေဖြင့် သတိပေး ဖောက်ခွဲရခြင်းဖြစ်ကြောင်း MONYWA YOUNG PEOPLE GROUP (M Y P G) က အသိပေးသည်။ Rubyရုံးအနေဖြင့် ဆက်လက်လုပ်ကိုင်နေပါက ဝန်ထမ်းများ၏ အသက်အန္တရာယ်ကို အာမခံချက်ပေးနိုင်မည် မဟုတ်ကြောင်း MYPGက သတိပေးသည်။
ည ၁၀နာရီ ၅၂မိနစ် အချိန်တွင်လည်း စစ်ကောင်စီတပ်များရှိနေသော မုံရွာ မအူ မုဒ်ပေါက်ကို အဖွင့်မိုင်း ၁၀ လုံးနှင့် မုံရွာ UG များဖြစ်သည့် Monywa Ranger group နှင့် Chindwin attack force ခရိုင် တပ်ရင်း ၂ တို့က ပူးပေါင်းတိုက်ခိုက်ခဲ့ကြောင်း ၎င်းတို့ကအသိပေးသည်။
Public Service Announcement
မအူ မုဒ်ပေါက်ရှိ ကင်းတဲမှ စစ်ကောင်စီတပ်သားများက ပြန်လည် ပစ်ခတ်ခဲ့သော်လည်း PDF အဖွဲ့များ ဘေးကင်းလုံခြုံ အထိအခိုက် ကင်းစွာဖြင့် ပျောက်ကျားစနစ်ကို အောင်မြင်စွာ ဖော်ဆောင်နိုင်ခဲ့ကြောင်း၊ စစ်ကောင်စီတပ် ထိခိုက်မှုအခြေအနေ မသိရသေးကြောင်း ၎င်းတို့ကပြောသည်။
အာဏာသိမ်းစစ်ကောင်စီတပ်အထိ့အနာဆုံးမှာ စစ်ကောင်စီတပ်သားစခန်းချနေသော ဆည်မြောင်းရုံးကို မုံရွာမြို့မှ ပြည်သူ့ကာကွယ်ရေးတပ်ဖွဲ့များကပူးပေါင်း၍ မိုင်းခွဲတိုက်ခိုက်ပြီးနောက်သေနတ်ဖြင့်ပစ်ခတ်ခဲ့ရာ စစ်ကောင်စီတပ်သား ၄ ဦးသေဆုံးခဲ့သည်။ ပြည်သူ့ကာကွယ်ရေးတပ်ဖွဲ့များဘက်မှာ မစိုးရိမ်ရဒဏ်ရာအနည်းငယ်သာရရှိခဲ့ကြောင်းသိ့ရသည်။ထိုကြောင့် မြို့ပျပျောက်ကျားတပ်ဖွဲ့များက စစ်ကောင်စီ၏ ပစ်မှတ် ၅ ခုကို တစ်ရက်အတွင်းတိုက်ခိုင်ခဲ့ခြင်းဖြစ်သည်။
ယမန်နေ့က ဖြစ်စဥ်များကြောင့် ယနေ့ နိုဝင်ဘာလ ၉ ရက် နံနက်ခင်းပိုင်းမှစတင်ကာ မုံရွာမြို့တွင်း စစ်ဆေးမှုများ ကြမ်းတမ်းနေကြောင်း မြို့ခံများက ပြောသည်။
“ဆည်မြောင်းရုံးနား အစစ်ခံရတယ်။ဖုန်းကိုစစ်တော့ ဖုန်းထဲရှင်းထားတော့ ဘာ appမရှိ၊ ဓာတ်ပုံမရှိ၊ ဘာ data မှမရှိလို့ ရစ်ခံရတယ်။ နရင်းလဲအုပ်ခံရ အကုန်အစုံပါတာတောင် ဆိုင်ကယ်လေချိန်တာ လေပေါင်မပြည့်လို့ဆိုပြီး ဒဏ်ကြေး၃သောင်းတောင်းလို့ ဆောင်ခဲ့ရတယ်။”ဟု မုံရွာမြို့ခံတစ်ဦးက ပြောသည်။
