တရားမဝင် စစ်အာဏာရှင်တွေကို ဦးတည်ချမှတ်တဲ့ပိတ်ဆို့အရေးယူမှုတွေအပါအဝင် မြန်မာ့နိုင် ငံဆိုင်ရာ ဆုံးဖြတ်ချက်ချမှတ်ပေးဖို့ ကုလသမဂ္ဂလုံခြုံရေးကောင်စီကို အမျိုးသားညီညွတ်ရေးအ စိုးရ NUG တောင်းဆိုလိုက်ပါတယ်။
နိုဝင်ဘာ ၈ ရက်က ပြုလုပ်ခဲ့တဲ့ လုံခြုံရေးကောင်စီရဲ့ မြန်မာ့အရေး တံခါးပိတ်ဆွေးနွေးပွဲကို ပေးပို့တဲ့ NUG ရဲ့ သဝဏ်လွှာမှာ ထည့်သွင်းတောင်းဆိုတာဖြစ်ပြီး မြန်မာနိုင်ငံရှိ နိုင်ငံရေးနဲ့ လူသားချင်းစာနာမှုဆိုင်ရာ အခြေအနေတွေနဲ့ပတ်သက်လို့ ဆုံးဖြတ်ချက်တစ်ရပ်ချမှတ်ပေးရမယ်လို့ ဆိုပါတယ်။
အဲဒီဆုံးဖြတ်ချက်မှာ မြန်မာနိုင်ငံကို လက်နက်များတင်ပို့ရောင်းချမှုနဲ့ ရည်ရွယ်ချက်နှစ်မျိုး သုံး နိုင်တဲ့ နည်းပညာတွေ ရောင်းချခြင်းကို ပိတ်ပင်တားဆီးဖို့၊ စစ်အာဏာရှင်တွေဆီ ငွေကြေးစီးဆင်း တာ ဖြတ်တောက်ဖို့၊ ဒီမိုကရေစီပြန်လည်အသက်သွင်းဖို့၊ နိုင်ငံရေးအကျဉ်းသားတွေ ပြန်လွှတ်ပေးဖို့၊ တာဝန်ခံမှုရှိစေရေးလုပ်ဆောင်ဖို့ အချက်တွေ ပါဝင်ရမယ်လို့ NUG က တောင်းဆိုပါ တယ်။
ဒါ့အပြင် COVID-19 ကာကွယ်ဆေးများ၊ ဆေးဝါးများ နဲ့ အထောက်အပံ့များ အပါအဝင် လူသားချင်းစာနာမှုဆိုင်ရာ အထောက်အကူ များကို အကန့်အသတ်မရှိ ပေးနိုင်ရေး ဦးစားပေးဆောင်ရွက်ဖို့၊ ကျန်းမာရေးဆိုင်ရာ ဝန်ထမ်းတွေကို အကာအကွယ်ပေးဖို့၊ ကျန်းမာရေးစောင့်ရှောက်မှုရရှိစေဖို့ အချက်တွေကိုလည်း ထည့်သွင်းတောင်းဆိုပါတယ်။
Public Service Announcement
မြန်မာနိုင်ငံအခြေအနေတွေနဲ့ပတ်သက်လို့ နိုင်ငံတကာရာဇဝတ်ခုံရုံးရဲ့ ရှေ့နေထံ လွှဲပြောင်း ပေးရမယ်လို့လည်း လုံခြုံရေးကောင်စီကို NUG က တောင်းဆိုပါတယ်။
တချိန်တည်းမှာ ကုလသမဂ္ဂလုံခြုံရေးကောင်စီဟာ အာဆီယံတူညီဆန္ဒ ၅ ချက် ကို အကောင်အထည်ဖော်နေတဲ့ အာဆီယံရဲ့ ကြိုးပမ်းမှုကို ထောက်ပံ့အားပေးရမယ်လို့ တိုက်တွန်းပါတယ်။
နောက်ပြီး ကုလသမဂ္ဂမှာ ပြည်ထောင်စုသမ္မတမြန်မာနိုင်ငံတော်ရဲ့ တရားဝင် ကိုယ်စားပြုမှုရှိတဲ့ အစိုးရ အဖြစ် အမျိုးသားညီညွတ်ရေးအစိုးရကို တရားဝင်အသိအမှတ်ပြုဖို့နဲ့ မြန်မာစစ်တပ်ကို အကြမ်းဖက်အဖွဲ့အစည်းအဖြစ် သတ်မှတ်ကြေညာနိုင်ဖို့ ချက်ချင်းစတင်လုပ်ဆောင်ရမယ်လို့ NUG က တောင်းဆိုပါတယ်။
