မန္တလေးတိုင်း၊ စဥ့်ကူးမြို့နယ်၊ ဟင်္သာမကျေးရွာမှ ထွက်ပြေးနေသည့် စစ်တပ်သတင်းပေးဟုဆိုသောအမျိုးသားတစ်ဦးအားတိမ်းရှောင်ရာရွာအထိ လိုက်လံပစ်ခတ်ခဲ့ကြောင်းစဥ့်ကူးမြို့နယ်ပြောက်ကျားအဖွဲ့ကသတင်းထုတ်ပြန်သည်။
ယနေ့( နိုဝင်ဘာလ ၁၄ ရက်) နေ့လယ် (၁)နာရီခန့်တွင် စဥ့်ကူးမြို့နယ် ဟင်္သာမကျေးရွာမှ စစ်ကောင်စီသတင်း ပေးအကြီးစား ကိုမော်(ခ)ဘဲမော်အား မတ္တရာမြို့နယ် တံငါမြောက်ရွာနေသူ့၏သမီးထံသွား၍ တိမ်းရှောင်နေသောကြောင့် မတ္တရာ PDF အကူအညီဖြင့် သွားရောက်ပစ်ခတ်ခဲ့ကြောင်းစဥ့်ကူးမြို့နယ်ပြောက်ကျားအဖွဲ့က အသိပေးသည်။
ထိုသူသည် ဟင်္သာမကျေးရွာမှ အိမ်များအားစစ်တပ်အား ခေါ်၍ဖျက်စီးစေခဲ့သူဖြစ်ပြီးသူ၏လှည်းဖြင့် ရွာနေပြည်သူများ၏ဆန်၊ဆီ၊မှစ၍ ကုန်ပစ္စည်းများကို စစ်တပ်ထံ လိုက်လံပို့ဆောင်သူဖြစ်ကြောင်း၊ အိမ်များမှသိမ်းယူရရှိသောငွေကြေးများကိုလည်း စစ်တပ်အားအပ်ခဲ့သူဖြစ်ကြောင်း သတင်းထုတ်ပြန်ခဲ့သည်။
ထိုလူအား သေနတ်ဖြင့် (၂)ချက်ပစ်အပြီးတွင် ဘေးမှမိသားစုဝင်များရောက်လာ၍ ဆက်၍မပစ်ဘဲ ရပ်နားခဲ့ရပြီးအပြစ်မဲ့ပြည်သူများအား ထိခိုက်မည်စိုး၍ ရပ်နားခဲ့ရခြင်းဖြစ်ကြောင်း၊ ထို့ကြောင့် သေမည်၊ရှင်မည်ကို အတိအကျမသိနိုင်သေးကြောင်း ၎င်းအဖွဲ့က ပြောသည်။
Public Service Announcement
နိုဝင်ဘာလ ၇ ရက်နေ့က ဟင်္သာမကျေးရွာရှိ စစ်ကောင်စီခန့်အုပ်ချုပ်ရေးမှူးသတ်ဖြတ်ခံခဲ့ရပြီးနောက် နိုဝင်ဘာလ ၈ ရက်နေ့တွင် စစ်တပ်က အဆိုပါရွာအား ဝင်ရောက်ပစ်ခတ်ဖျက်ဆီးမှုများ ပြုလုပ်ခဲ့ခြင်းဖြစ်သည်။
မိမိတို့အဖွဲ့သည် အခြားတော်လှန်ရေးမဟာမိတ်အင်အားစုများဖြင့် ချိတ်ဆက်၍ပြုလုပ်သည်ဖြစ်သည့်အတွက် မည်သည့်နေရာကိုမဆိုတိမ်းရှောင်ပါစေ လိုက်လံရှင်းလင်းမည်ဖြစ်ကြောင်း၊ မဟုတ်တာလုပ်ထားလျှင် ပြေး၍မလွတ်ကြောင်း ဤmission နှင့်အတူ အခြားသော အုပ်ချုပ်ရေးမှူးများ၊ဒလံများအား အသိပေးကြောင်း ၎င်းတို့အဖွဲ့က အသိပေးသည်။
