ပြည်သူ့အာဏာဖီဆန်ရေးလှုပ်ရှားမှု(CDM)လုပ်ထားတဲ့ တပ်မတော်သားများ ပါဝင်သောPeople Soldiers’ Defense Forceကို CDM တပ်မတော်သားဗိုလ်မှူးတစ်ဦးက ဦးဆောင်ဖွဲ့စည်းကြောင်း ယမန်နေ့(နိုဝင်ဘာ ၁၄ရက်) ကြေညာသည်။
CDM တပ်မတော်သားတစ်ဦးဖြစ်သည့် ဗိုလ်ကြီးညီသုတ၏ လူမှုကွန်ရက် စာမျက်နှာတွင်လည်း အထက်ပါအကြောင်း အရာကို မျှဝေခဲ့သည်။
“CDM တပ်မတော်သား ဗိုလ်မှူးဦးဆောင်တဲ့ People Soldiers’ Defense Force …။ ပြည်သူတွေအတွက် အင်အားတစ်ရပ်ဖြစ်လာမယ်လို့ ယုံကြည်ပါတယ်။ PSDF အောင်မြင်ပါစေ “ဟု ၎င်းက ထပ်ဆင့်ရေးသားထားသည်။
P.S.D.F-PEOPLE SOLDIERS’ DEFENSE FORCE ၏ ရည်ရွယ်ချက်များအရ စစ်အာဏာရှင်ကို တိုက်ထုတ်ရန် အတွက် CDM တပ်မတော်သားများပါဝင်သော တိုက်ခိုက်ရေး အင်အားစုများ စနစ်တကျ စုဖွဲ့ရန်ပါဝင်သည်။
Public Service Announcement
ပြည်သူ့ကာကွယ်ရေးတပ်ဖွဲ့ များနှင့် လက်တွဲ၍ စစ်ဆင်ရေး ရည်မှန်းချက်များလည်း အကောင် အထည်ဖော်မည်ဟု ဆိုသည်။
အနာဂတ် ဖယ်ဒရယ် ပြည်ထောင်စုနှင့် ဖက်ဒရယ် တပ်မတော် တည်ဆောက်ရေးတွင် ပါဝင် ကူညီ အားဖြည့်မည်ဟု P.S.D.F က အသိပေးသည်။
