ကရင်အမျိုးသားအစည်းအရုံး(KNU) တပ်မဟာ(၁) နယ်မြေ သထုံမြို့နယ် ထုံးဘိုလေးကျေးရွာတွင် နိုဝင်ဘာ ၂၂ရက်က တိုက်ပွဲဖြစ်၍ စစ်ကောင်စီတပ်မှ နှစ်ဦးသေဆုံးပြီး လေးဦးဒဏ်ရာရရှိခဲ့သည်ဟု KNU သထုံခရိုင်က သတင်းထုတ်ပြန်သည်။
ယခု တိုက်ပွဲဖြစ်ပွားရာနေရာသည် ယခင်က KNU စစ်ဆေးရေးဂိတ်နေရာ အနီး၌ ဖြစ်ကြောင်း၊ စစ်ကောင်စီတပ်သည် နိုဝင်ဘာ ၂၁ရက်က ထုံးဘိုလေးကျေးရွာ ဘုန်းတော်ကြီးကျောင်းတွင် စခန်းချတပ်စွဲခဲ့ပြီး နိုဝင်ဘာ ၂၂ရက်တွင် ထုံးဘိုလေး လမ်းခွဲမှစောအဲဖိုး ကျေးရွာဘက်သို့ စစ်ကြောင်းထိုးလာစဉ် KNU တပ်မဟာ(၁) တပ်ရင်း(၂)တပ်ဖွဲ့များနှင့်ထိတွေ့ ပစ်ခတ်မှုဖြစ်ပွားခဲ့ ခြင်းဖြစ်သည်ဟု ဆိုသည်။
အာဏာသိမ်းစစ်ကောင်စီ လက်အောက်ခံတပ်ဖွဲ့များ သည် KNU ထိန်းချုပ်ဒေသ သထုံမြို့နယ်အတွင်းရှိ ဘာသာရေးအဆောက်အဦးများနှင့် လူနေထိုင်ရာနေရာများတွင်သာ စခန်းချတပ်စွဲလေ့ရှိကြောင်း ဖော်ပြထားသည်။
ယခုလအတွင်း KNU တပ်မဟာ(၁)နယ်မြေ၌ စစ်ကောင်စီလက်အောက်ခံတပ်များနှင့် KNU တပ်ဖွဲ့များအကြား တိုက်ပွဲများမကြာခဏ ဖြစ်ပွားနေပြီး စစ်ကောင်စီတပ်မှ သေဆုံးထိခိုက်မှုများပြားလျက်ရှိသည်။
Public Service Announcement
