ရန်ကုန်မြို့လယ်ရှိ လမ်းအချို့ကို အကြမ်းဖက်စစ်ကောင်စီတပ်ဖွဲ့ဝင်များက အင်အားအများအပြားဖြင့် မျဥ်းဝါများတား၍ ယနေ့ (နိုဝင်ဘာ ၂၆ ရက်) မွန်းလွဲ ၂ နာရီကျော်က စတင်၍ ပိတ်ဆို့ထားကြောင်း ဒေသခံများက ပြောသည်။
လမ်းမတော်၊ သံစျေး၊ လသာ၊ ပုဇွန်တောင်၊ ပန်းဆိုးတန်း၊ ကမ်းနားလမ်း၊ အနော်ရထာလမ်း၊ မဟာဗန္ဓုလမ်း၊ ဆူးလေဘုရားလမ်း နှင့် ဗန္ဓုလတံတား အပါအဝင် မြို့လယ်ရှိ လမ်းများကို စစ်ကောင်စီက မျဥ်းဝါများ၊ သံဆူးကြိုးဖြင့် တား၍ ပိတ်ဆို့ထားကြောင်း ရပ်ကွက်နေပြည်သူတစ်ဦးက ပြောသည်။
” မြို့ထဲကိုဝင်တဲ့ လမ်းပတ်ပတ်လည်ကို ပိတ်ချလိုက်တာပါ။ ကားတွေကိုလည်း အကုန်စစ်နေတယ်။ လိုင်းကားတွေလည်း ပေးမသွားတော့ဘူး။ တချို့လမ်းကို တဖက်ပိတ်ပြီး တဖက်ကသွားခိုင်းတယ်။ သွားခိုင်းတဲ့ဘက်က ကားတွေ တစ်စီးချင်း စစ်ဆေးနေပါတယ် ” ဟု ၎င်းက ပြောသည်။
ရန်ကုန်မြို့လယ်ရှိ လမ်းများကို စစ်ကောင်စီက ပိတ်ဆို့ထားသော်လည်း မည်သည့်အတွက် ပိတ်ဆို့စစ်ဆေးနေသည်ကို မသိရကြောင်း ဒေသခံများက ဆိုသည်။
Public Service Announcement
ဓာတ်ပုံ – CJ
