စစ်ကိုင်းတိုင်း၊ ရွှေဘိုခရိုင်၊ ဝက်လက်မြို့နယ်တွင် စစ်ကောင်စီနှင့်ပူးပေါင်းပြီး အကြမ်းဖက်မှုများ ပြုလုပ်နေသည့် အမျိုးသားနှစ်ဦး သတ်ဖြတ်ခံရကြောင်း ဒေသခံများကပြောသည်။
ဝက်လက်မြို့နယ်အတွင်း အကြမ်းဖက်စစ်ကောင်စီတပ်များနှင့် ပူးပေါင်းပြီး ပြည်သူများ၏ ဆိုင်ကယ်များခိုးခြင်း၊လုခြင်း၊ နေအိမ်များအထိဝင်ရောက်ဓားပြတိုက်ခြင်းများကို လုပ်ဆောင်နေသည့် ဝက်လက်မြို့နယ် လှတောရွာက အောင်မိုးဦးနှင့် အုန်းပေါက်ရွာဇာတိဖြစ်သည့် သန်းနိုင်ဦး (ခ) မောင်မျိုးတို့ကို ယနေ့ ဒီဇင်ဘာ၂ရက်နေ့ နံနက်ပိုင်းက သုတ်သင်ရှင်းလင်းခဲ့ကြောင်း ဝက်လက်ဖောင်းဒိုင်း ဖောင်းဒိုင်း ဖောင်းဒိုင်းအဖွဲ့က သတင်းထုတ်ပြန်သည်။
ထိုသူနှစ်ဦးမှာ တစ်နေရာစီ ဖမ်းဆီးရမိခဲ့ခြင်းဖြစ်ပြီး စစ်ဆေးမေးမြန်းချက်အရ တစ်ဖွဲ့တည်းဖြစ်ကြောင်း ဖောင်းဒိုင်းအဖွဲ့က ပြောသည်။
ကျန်ရှိနေသေးသည့် ထိုသူတို့၏ အပေါင်းအပါများသည်လည်း စစ်ကောင်စီနှင့်ပူးပေါင်းကာ အကြမ်းဖက်မှုများ ဆက်လက်ပြုလုပ်ပါက သုတ်သင်ရှင်းလင်းသွားမည်ဖြစ်ကြောင်း ဖောင်းဒိုင်းအဖွဲ့က သတိပေးထားသည်။
Public Service Announcement
