၂၀၂၁ ခုနှစ်အတွင်း သတင်းမီဒီယာတွေကို ဖမ်းဆီးထောင်ချတဲ့ နိုင်ငံတွေစာရင်းကိုကမ္ဘာ့သတင်းသမားများကာကွယ်ရေးကော်မတီ(CPJ) ထုတ်ပြန်ရာမှာ မြန်မာနိုင်ငံက ဒုတိယ နေရာက ရှိနေပါတယ်။
အဲဒီစာရင်းမှာတရုတ်နိုင်ငံက ထိပ်ဆုံးက ဖြစ်ပြီး မြန်မာနိုင်ငံကတော့ ဒုတိယ နေရာက ရှိနေတာပါ။
မြန်မာနောက်မှာတော့ အီဂျစ်နဲ့ ဗီယက်နမ်နိုင်ငံတို့ ရှိနေတာတွေ့ရပါတယ်။
ဒီနှစ်ထဲ တရုတ်ဟာ သတင်းသမားအယောက် ၅၀ ကို ဖမ်းဆီးထောင်ချခဲ့သလို စစ်အာဏာသိမ်းထားတဲ့ မြန်မာနိုင်ငံမှာလည်း သတင်းသမား ၂၆ ဦးကို ဖမ်းဆီးထောင်ချထားတယ်လို့ CPJ စာရင်းက ဆိုထားပါတယ်။
ဖေဖော်ဝါရီလ ၁ ရက်မှာ စစ်တပ်အာဏာသိမ်းပြီးနောက် သတင်းမီဒီယာ တိုက်အချို့ကို လိုင်စင်ပိတ်သိမ်းတာ ၊ သတင်းမီဒီယာသမားတွေကို ဖမ်းဆီးထောင်ချ တာတွေ ကိုစစ်ကောင်စီဟာ ဆက်တိုက်ဆိုသလို လုပ်ဆောင်နေတာပါ။
ဒါ့အပြင် သတင်းအချက်အလက် စီးဆင်းမှုကိုဖြတ်တောက်ဖို့အတွက် ဆက်သွယ်ရေးလိုင်းတွေကိုဖြတ်တောက်တာ ၊ တယ်လီဖုန်းလိုင်းတွေကို ကြားဖြတ်နားထောင်တာ ၊အင်တာနက်ပိတ်တာတွေကိုလည်း ပြုလုပ်ခဲ့တာရှိပါတယ်။