အကြမ်းဖက်စစ်ကောင်စီတပ်က စစ်ကြောင်းထိုးလာခြင်းကြောင့် မြောင်မြို့နယ်အတွင်း စစ်ဘေးရှောင်ပြည်သူ ၁,၀၀၀ ကျော်အထိရှိလာကြောင်း မြောင်မြို့နယ်ပြည်သူ့ကာကွယ်ရေးအဖွဲ့မှ တာဝန်ရှိသူတစ်ဦးက လူထုနွေဦးသို့ပြောသည်။
ဒီဇင်ဘာ ၇ ရက်ကစ၍ စစ်ကြောင်းထိုးလာသည့် အကြမ်းဖက်စစ်ကောင်စီအင်အားသည် မြောင်မြို့နယ်တွင်အင်းအား ၃၀၀ ခန့်ရှိပြီး တပ်ကူရန် စောင့်ဆိုင်နေသည့် အရန် အင်အားမှာလည်း ၁၀၀အထိ ရှိနိုင်ကြောင်း မြေပြင်ကင်းထောက်အဖွဲ့များ၏ အချက်အလက်များကို ၎င်းက ကိုးကားသည်။
“မနေ့က နဲ့ ဒီနေ့(ဒီဇင်ဘာ ၁၂ ရက်)အထိ စစ်ဘေးရှောင် အရေအတွက်က ၁၀၀၀ ကိုကျော်လာပြီဲ။ဒေသခံတွေ နေဖို့စားဖို့အတွက်လည်း ကျွန်တော်တို့ လုံးပန်းကြိုးစားနေတယ်။ပြည်သူတွေ အနေနဲ့လည်း ဝိုင်းဝန်းကူညီကြဖို့ မေတ္တာရပ်ခံတယ်”ဟု အထက်ပါတာဝန်ရှိသူကပြောသည်။
ခေါင်းခွဲ၊အုတ်နှဲဘုတ်၊မြစံ၊ပရိမ္မ နှင့် သနပ်ကုန်းကျေးရွာတို့မှ ဒေသခံများသည် ရွာလုံးကျွတ် ထွက်ပြေးနေရသည်ဟုလည်းသိရသည်။
Public Service Announcement
ထို့အပြင် ယနေ့ (ဒီဇင်ဘာ ၁၂ ရက်)က ခေါင်းကွဲ ကျေးရွာသား လေးဦးကို အကြမ်းဖက်စစ် ကောင်စီတပ်မှ ပစ်သတ်ခဲ့သည်။ဒီဇင်ဘာ ၈ ရက်ကလည်း သနပ်ကုန်းကျေးရွာသာနှစ်ဦးမှာလည်း အကြမ်းဖက်စစ်တပ်၏ ဖမ်းဆီးသတ်ဖြတ်ခြင်းကို ခံထားရသည်။
စစ်ကိုင်းတိုင်းရှိ မြောင်မြို့နယ်ကို အဝင်၊အထွက်ဂိတ်များထားရှိပြီး မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့-CDSOMတို့က စစ်ဆေးမှုများပြုလုပ်သွားမည်ဟု ဒီဇင်ဘာ ၄ရက်က အသိပေးကြေညာခဲ့ပြီးနောက် စစ်ကောင်စီတပ်က မြောင်ဒေသကို ထိန်းချုပ်ရန် အင်အားအလုံးအရင်းဖြင့် ကြိုးပမ်းလာခြင်းလည်းဖြစ်သည်။
ဒီဇင်ဘာ ၁၁ ရက်က မြောင် နှင့် ရေစကြို မြို့နယ် ကြား၌ အကြမ်းဖက်စစ်ကောင်စီတပ်နှင့် ပြည်သူ့တပ်ဖွဲ့များ တိုက်ပွဲ ဖြစ်ပွားခဲ့သည်။ထိုတိုက်ပွဲ၌ အကြမ်းဖက်စစ်ကောင်စီဘက် ကရှစ်ဦးသေကာ မြောင်မြို့နယ်ပြည်သူ့တပ်ဖွဲ့မှသုံးဦးကျဆုံးခဲ့သည်။
မြောင်မြို့သည် စစ်ကိုင်းခရိုင်၏ အနောက်ဖက်ပိုင်းတွင်တည်ရှိပြီး မြင်းမူမြို့၏ အနောက်တောင်ဖက် (၁၄)မိုင်အကွာ ဧရာဝတီမြစ်နှင့် ချင်းတွင်းမြစ်တို့ဆုံရာဧရာဝတီမြစ်၏ညာဘက်ဖက်ကမ်းပေါ်တည်ရှိသည်။
