–မြန်မာပြည်သူလူထု၏ အသက်နှင့်အခွင့်အရေးများကို ကာကွယ်ပေးရန် ထပ်မံတောင်းဆို
လူ့အခွင့်အရေးချိုးဖောက်ခံနေရသည့် မြန်မာလွှတ်တော်ကိုယ်စားလှယ်များနှင့်အတူ ရပ်တည် သော နိုင်ငံတကာပါလီမန်များအဖွဲ့(IPU)၏ ဆုံးဖြတ်ချက်ကို ကြိုဆိုကြောင်း ပြည်ထောင်စုလွှတ် တော်ကိုယ်စားပြုကော်မတီ (CRPH)က ယနေ့(ဒီဇင်ဘာ ၁၃ရက်)ထုတ်ပြန်သည်။
စပိန်နိုင်ငံ၊ မက်ဒရစ်မြို့၌ ကျင်းပခဲ့သည့် IPU အမှု ဆောင်ကောင်စီ၏ (၂၀၈) ကြိမ်မြောက် အစည်းအဝေးဆုံးဖြတ်အတည်ပြုချက်မှာ မြန်မာပြည်သူများ၏ ပကတိသဘောထားနှင့် ဒီမိုကရေစီကို ကာကွယ်လိုသည့် ပြင်းပြသော စိတ်ဆန္ဒကို လေးစားတန်ဖိုးထားခြင်းဖြစ်ကြောင်း CRPH က ဆိုသည်။
စစ်ကောင်စီသည် အာဆီယံ၏ ဘုံသဘောတူညီချက် (၅)ရပ်ကို လိုက်နာဆောင်ရွက်ခြင်းမရှိဘဲ ပြည်သူလူထုအပေါ် ပိုမိုဆိုးရွားသော အကြမ်းဖက်မှုများ ဆက်လက်ကျူး လွန်လျက်ရှိပြီး ယင်းဘုံသဘောတူညီချက်များသည်လည်း လက်ရှိ မြန်မာ့နိုင်ငံရေး အကြပ်အတည်းအတွက် ဖြေရှင်းနိုင်သည့် အခြေအနေတစ်ခုမဟုတ်ကြောင်း CRPHက ထုတ်ပြန်သည်။
Public Service Announcement
ထို့အပြင် CRPH သည် မြန်မာနိုင်ငံ၌ အကြမ်းဖက် စစ်ကောင်စီတပ်များ၏ လူ့အခွင့်အရေးချိုးဖောက်နေမှုများ၊ ဥပဒေမဲ့ ဖမ်းဆီးနေမှုများ၊ ညှဉ်းပမ်း နှိပ်စက်သတ်ဖြတ်နေမှုများ ရပ်တန့်ရေးအပါအဝင် စစ်အာဏာရှင်စနစ် အပြီးတိုင် ချုပ်ငြိမ်းရေးတို့ အတွက် နိုင်ငံတကာအသိုက်အဝန်းနှင့် ပူးပေါင်းဆောင်ရွက်နေသည်ဟု ဆိုသည်။
အာဆီယံအပါအဝင် နိုင်ငံတကာအသိုက်အဝန်းအနေဖြင့် စစ်ကောင်စီအပေါ် ထိရောက်သည့် အရေးယူဆောင်ရွက်မှုများ ဆက်လက်ပြုလုပ်၍ မြန်မာပြည်သူလူထု၏ အသက်နှင့် အခွင့်အရေးများကို ကာကွယ်ပေးရန် CRPH က ထပ်မံတောင်းဆိုသည်။
