ကော့ကရိတ်မြို့အနီးက ဒေါနတောင်ပေါ် ကားလမ်းမဟောင်းဘက်မှာ စစ်ကောင်စီတပ်ဖွဲ့ အင်အား ၂၀၀ ခန့်နဲ့ စစ်ကား ၁၅ စီး ရောက်ရှိနေရာယူထားတယ်လို့ ကေအဲန်ယူသတင်းရင်းမြစ်ထံကနေ သိရပါတယ်။
ဒီကနေ့ မွန်းလွဲပိုင်း ၁ နာရီခန့်က ကော့ကရိတ်မြို့အနီး တတန်းကူးရွာ ကော့ကရိတ် – မြဝတီ ဒေါနတောင်ပေါ်ကားလမ်းဟောင်းကနေ အာရှလမ်းမသစ်အထိ နေရာယူထားတာဖြစ်ပြီး လက်ရှိအချိန်ထိ ရှိနေတုန်းပဲလို့ သိရပါတယ်။
မနေ့က ကော့ကရိတ် မြဝတီ အာရှလမ်းမသစ်မှာ စစ်ကောင်စီတပ်နဲ့ KNLA တပ်မဟာ ၆ တို့အကြား ထိတွေ့ပစ်ခတ်မှုဖြစ်ပွားခဲ့ပြီး စစ်ကောင်စီဘက်က အရာရှိနှစ်ဦး အပါအဝင် ၇ ဦးသေဆုံးခဲ့ကာ ၄ ဦးဒဏ်ရာရရှိသွားခဲ့တာ ဖြစ်ပါတယ်။
