လေးကေ့ကော်ဒေသတိုက်ပွဲတွေကြောင့် ထိုင်းနိုင်ငံဘက်ကို ထွက်ပြေးတိမ်းရှောင်ရတဲ့ မြန်မာ ဒုက္ခသည်တွေအတွက်အရေးတကြီး အကာအကွယ်ပေးမှုနဲ့ ကူညီထောက်ပံ့ပေးဖို့အတွက် အလေးအနက်ထားသွားတယ်လို့ ကုလသမဂ္ဂဒုက္ခသည်များဆိုင်ရာမဟာမင်းကြီးရုံး (UNHCR ) က ဒီနေ့မှာထုတ်ပြန်လိုက်ပါတယ်။
ထိုင်းကိုရောက်လာတဲ့ မြန်မာဒုက္ခသည်တွေအတွက် လိုအပ်တဲ့ ကာကွယ်ပေးမှုနဲ့ လူသားချင်းစာနာထောက်ထားမှုအကူအညီတွေကို ထောက်ပံ့ဖို့ UNHCR နဲ့မိတ်ဖက်တွေဟာ အဆင်သင့်ဖြစ်နေတဲ့အကြောင်း ထိုင်းအစိုးရ ထံထပ်လောင်းအသိပေးထားတယ်လို့ ထုတ်ပြန်ချက်မှာ ပါရှိပါတယ်။
ထိုင်းအစိုးရရဲ့စာရင်းတွေအရ ဒီဇင်ဘာလ ၁၆ ရက်ကစတင်ပြီး ထိုင်းဘက်ကို ထွက်ပြေးခိုလှုံရတဲ့ မြန်မာဒုက္ခသည်ဟာ ၃၉၀၀ လောက်ရှိတယ်လို့ သိရပါတယ်။
သူတို့ကို လက်ရှိမှာတော့ မဲဆောက်ခရိုင်ထဲက နေရာအချို့မှာ လက်ခံထားတယ်လို့သိရပါတယ်။
Public Service Announcement
ထိုင်းအစိုးရအနေနဲ့ လည်း ဒုက္ခသည်တွေကို ကူညီစောင့်ရှောက်ရာမှာ ဆယ်စုနှစ်နဲ့ချီတဲ့ အတွေ့အကြုံရှိထားပြီဖြစ်တယ်လို့လည်း ဆိုထားပါတယ်။
နေရပ်စွန့်ခွာသူအရေးဆောင်ရွက်နေသူတွေကတော့ ထိုင်းအစိုးရအနေနဲ့ မြန်မာဒုက္ခသည်တွေကို အတင်းအကြပ်ပြန်မပို့ဖို့ တောင်းဆိုထားကြပါတယ်။
