လှည်းကူးက ပျူ​စောထီး​ခေါင်​ဆောင်ဆိုသူ ပစ်သတ်ခံရ

လှည်းကူးမြို့နယ် ပျူစောထီးခေါင်းဆောင်ဆိုသူကို ပြစ်ဒဏ်စီရင်လိုက်ကြောင်း လှည်းကူးPDFက ယနေ့ညပိုင်းတွင် ထုတ်ပြန်သည်။

ယနေ့(ဒီဇင်ဘာ ၂၂ရက်) ညနေ၅နာရီခန့်ကလှည်းကူးမြို့နယ် ပျူစောထီးခေါင်းဆောင်ဟုသတ်မှတ်ခံထားရသူ ဦးအောင်ကြည်သိန်း(ခ) စောဖိုးခွားသည် ကျွန်းကလေးကျေးရွာ အာဇီဝမှတ်တိုင်အနီးတွင် ပစ်သတ်ခံခဲ့ရခြင်း ဖြစ်သည်။

ဦးအောင်ကြည်သိန်းသည် စစ်ကောင်စီနှင့်ပူးပေါင်း၍ လှည်းကူးမြို့ရှိပြည်သူများ​ကို အနိုင်ကျင့်ဖမ်းဆီးခြင်း၊ နှိပ်စက်ခြင်း၊ လောင်းကစားဝိုင်းများကျင်းပကာ အခွန်ကောက်ခြင်း၊ ပြည်သူများကိုငွေညှစ်ဖမ်းဆီးခြင်းတို့ကြောင့် ပြည်သူများ၏ မေတ္တာဖြင့် ပြစ်ဒဏ်စီရင်လိုက်ခြင်း ဖြစ်သည်ဟု လှည်းကူး PDF က ဆိုသည်။

ထို့အပြင် ဆက်လက်၍ ပြစ်ဒဏ်စီရင်ရန်ကျန်ရှိနေသေးသည့် လှည်းကူးမြို့နယ် ပျူစောထီးအဖွဲ့ဝင် ရှစ်ဦး၏ အမည်ကိုလည်း ပူးတွဲထုတ်ပြန် သတိပေးခဲ့သည်။

Public Service Announcement

ယနေ့ ပစ်ခတ်မှုဖြစ်စဥ်တွင် ဦးအောင်ကြည်သိန်းနှင့်အတူသားဖြစ်သူ ရဲဇော်ဦးမှာလည်း ကြက်ဝိုင်းမှ ဆိုင်ကယ်ဖြင့်ပြန်လာစဥ် ပစ်ခတ်ခံရပြီ သေဆုံးသွားသည်ဟုလည်း ဒေသခံသတင်းရင်းမြစ်များထံမှ သိရသည်။