ရန်ကုန်မြို့ တောင်ဒဂုံမြို့နယ်တွင် ယနေ့(ဒီဇင်ဘာ ၂၈) နံနက်အစောပိုင်းက အကြမ်းဖက်စစ်ကောင်စီဝင်များ ကင်းလှည့်နေသည့်ကားကို အာဏာသိမ်းဆန့်ကျင်ရေးနှင့် ပြည်သူ့လွတ်မြောက်ရေးအဖွဲ့ (ACPLF)က ဗုံးခွဲတိုက်ခိုက်ခဲ့ကြောင်း ထုတ်ပြန်သည်။
ယနေ့နံနက် ၆ နာရီခွဲခန့်တွင် ACPLF နှင့် တောင်ပိုင်ပြည်သူ့ကာကွယ်ရေးအင်အားစု (SSUG) ပူးပေါင်း၍ စစ်ကောင်စီဝင်များ ကင်းလှည့်နေကြ လမ်းကြောင်းဖြစ်သည့် တောင်ဒဂုံမြို့နယ် မြိတ်လမ်းနှင့် ဧရာဝဏ်လမ်းဆုံ အပါအဝင် လမ်းကြောင်းတစ်လျှောက်၌ ဗုံးသုံးလုံးဖြင့် ဖောက်ခွဲတိုက်ခိုက်ခဲ့ကြောင်း ထုတ်ပြန်ချက်၌ ဖော်ပြထားသည်။
သို့သော် စစ်ကောင်စီတပ်ဖွဲ့ဝင်များ စီးနင်းလိုက်ပါသည့် ဆလွန်းမီးတန်းကား ဖြတ်သန်းချိန်နှင့် ဗုံးပေါက်ကွဲချိန် စက္ကန့်ပိုင်း ကွာဟသွားမှုကြောင့် စစ်ကောင်စီတပ်ဖွဲ့ဝင်များ ထိခိုက်မှုမရှိပဲ မီးတန်းကားမှာ ကြောက်လန့်တကြားဖြင့် အရှိန်ပြင်းပြင်းမောင်းပြေးသွားခဲ့ကြောင်း ACPLF က ထုတ်ပြန်သည်။
ACPLF အဖွဲ့သည် ပြီးခဲ့သည့် ဒီဇင်ဘာ ၁၇ရက်ကလည်း မြောက်ဥက္ကလာပမြို့နယ် (ဌ) ရပ်ကွက်ရှိ စစ်ကောင်စီဝင်များ တပ်စွဲရာ ကားကြီးဂိတ်မှတ်တိုင်အနီးတွင် အဝေးထိန်းဗုံးဖြင့် ဖောက်ခွဲတိုက်ခိုက်ခဲ့ရာ စစ်ကောင်စီဝင်အချို့ ထိခိုက်ဒဏ်ရာ ရရှိခဲ့သည်။
Public Service Announcement
