အမျိုးသားညီညွတ်ရေးအစိုးရ(NUG)၏ ကာကွယ်ရေးဝန်းကြီးဌာနမှ အုပ်ချုပ်ရေးယန္တရားနှင့်သက်ဆိုင်သည့် အချက်အလက်များအား စစ်တမ်းကောက်ယူနေကြောင်း ထုတ်ပြန်သည်။
အဆိုပါစစ်တမ်းတွင် ကိုယ့်ရပ်ရွာ၊ ရပ်ကွက်တွင်း လက်ရှိအခြေအနေများနှင့် အုပ်ချုပ်ရေးယန္တရားဆိုင်ရာအချက်အလက်များပေးပို့ပြီး တော်လှန်ရေးတပ်သားအဖြစ်ပါဝင်ရန် တိုက် တွန်းထားသည်။
“ငါတို့ဟာ တရားမျှတမှုနဲ့လွတ်လပ်မှုကို ယုံ ကြည်တဲ့ နိုင်ငံသားကောင်းတွေ ဖြစ်တယ်။ ငါတို့ဟာ ဖက်ဒရယ်ဒီမိုကရေစီနဲ့ ထိုက်တန်တဲ့ နိုင်ငံသားတွေ ဖြစ်တယ်။ ငါတို့ဟာ တာဝန်ကျေတဲ့ လူတွေ ဖြစ်တယ်။ အာဏာသိမ်းအကြမ်း ဖက်စစ်ကောင်စီဟာ ငါတို့ကို လုံးဝအုပ်ချုပ်ခွင့်မရစေရဘူး။ ငါတို့မြို့ရွာတွေကို လုံးဝအုပ်ချုပ်ခွင့်မရစေရ။ ငါတို့ရဲ့ အဓိဌာန်ဟာ ခိုင်မာတယ်၊ပြတ်သားတယ် ဆိုရင် အောက်ပါ စစ်တမ်းမှာ ကိုယ့်ရပ်ရွာ၊ရပ်ကွက်တွင်း လက်ရှိအခြေအနေတွေနဲ့ အုပ်ချုပ်ရေးယန္တရားဆိုင်ရာ အချက်အ လက်တွေကို ပေးပို့ပြီး တော်လှန်ရေးတပ်သားအဖြစ်ပါဝင်ပါ”ဟု ထုတ်ပြန်ချက်တွင်ဖော်ပြထားသည်။
အုပ်ချုပ်ရေးပိုင်းဆိုင်ရာအချက်အလက်များ စစ်တမ်းကောက်ယူရာတွင် ဖြေဆိုသူများ၏ အချက်အလက်များကို မှတ်တမ်းတင်ထားမည်မဟုတ်သောကြောင့် လုံခြုံစိတ်ချစွာ ဖြေဆိုနိုင်ကြောင်းလည်း အသိပေးထားသည်။
Public Service Announcement
