တန့်ဆည်၊ သပြေရင်းရွာထဲသို့ အကြမ်းဖက် စစ်​ကောင်စီ ဝင်​ရောက်​သောင်းကျန်း၊ ပြည်သူတစ်ဦးကိုပစ်သတ်

တန့်ဆည်မြို့ သပြေရင်းရွာထဲသို့ စစ်​ကောင်စီအင်အား ၁၅၀ခန့်က သေနတ်ရမ်းသမ်းပစ်ကာ အကြမ်းဖက်ပြီး ​ဒေသခံပြည်သူတစ်ဦးကိုလည်း သေနတ်ဖြင့် ပစ်သတ်သွားသည်ဟုတန့်ဆည် ဒေသံများကပြောသည်။

ယနေ့ နံနက် အစောပိုင်းမှစတင်ကာ တန့်ဆည်ကို စစ်ကြောင်းထိုးလာသော စစ်ကောင်စီ အင်အား ၂၀၀ ခန့်အနက် ၅၀ ခန့်က ကုန်းရိုးသုဿာန်အနီးသို့ ရောက်ရှိလာပြီး ယင်းနေရာအနီး၌ ကောက်လှိုင်းစည်းနေသော အရပ်သားတစ်ဦးအား သေနတ်ဖြင့် ပစ်သတ်သွား​ကြောင်း ပြည်သူ့ကာကွယ်ရေးအဖွဲ့က သတင်းထုတ်ပြန်ထားသည်။

အင်အား ၁၅၀ ခန့်သည် သပြေရင်းရွာအတွင်းသို့ သေနတ်ပစ်ပြီး ဝင်ရောက်​သောင်းကျန်းသဖြင့် အရပ်သားများ ဘေးလွတ်ရာ ပြေးနေရသည်ဟု မြို့ခံများက​ပြောသည်။

အကြမ်းဖက်စစ်ကောင်စီသည် ကျွန်းလှနှင့်တန့်ဆည်ဒေသတွင် PDF အားကောင်းသည်ဟု ယူဆကာ လွန်ခဲ့သော နှစ်လခန့်ကစ၍ စစ်ကြောင်းထိုးခဲ့ခြင်းဖြစ်သည်။ အရပ်သားနေအိမ်များကို မီးရှို့ခြင်း၊ အပြစ်မဲ့အရပ်သားများအား သေနတ်ဖြင့် ပစ်ခတ်သတ်ခြင်းစ​သောစစ်ရာဇဝတ်မှုများကိုလည်းမကြာခဏပြုလုပ်ခဲ့သည်။တစ်ချိန်တည်းတွင် စစ်ကိုင်းတိုင်းအခြေစိုက် ပြည်သူ့ကာကွယ်ရေးတပ်ဖွဲ့များက စစ်ကောင်စီကို မိုင်ဆွဲတိုက်ခိုက်မှု အရှိန်မြင့်လာ၍ စစ်ကောင်စီဘက်က သေဆုံးမှု များပြားနေသည်။

Public Service Announcement