ကရင်နီ(ကယား)ပြည်နယ် ဒီးမော့ဆိုမြို့နယ် ငွေတောင်ဆည်အနီးတွင် ဇန်နဝါရီ ၂ရက်က ဖြစ်ပွားခဲ့သည့် တိုက်ပွဲ၌ကျဆုံးခဲ့သည့် လွိုင်ကော်ပြည်သူ့ကာကွယ်ရေးတပ်ဖွဲ့မှ သူရဲကောင်း ပေါလူ(ခ) ကြာဦး၏ ဈာပန အခမ်း အနားကို ယနေ့နံနက်ကပြုလုပ်ခဲ့ကြောင်း လွိုင်ကော် PDFက ထုတ်ပြန်သည်။
သူရဲကောင်း ပေါလူ (ခ) ကြာဦးသည် ကျဆုံးချိန်တွင်အသက် (၁၉)နှစ်အရွယ်ဖြစ်ကြောင်း၊ ရဲဘော် ပေါလူ (ခ) ကြာဦး အပါအဝင် တောင်တန်း ပြည်ပနိုင်ငံအဝန်းတွင် စစ်အာဏာရူးများကို တွန်းလှန်ရင်း ကျဆုံးသွားကြသော အာဇာနည်သူရဲကောင်းများအားလုံးအား အလေးပြုဦးညွှတ်အလေးပြုရင်းအရေးတော် ပုံ ပြီးဆုံးသည်အထိ ဆက်လက်တိုက်ပွဲဝင်သွားမည်ဖြစ်ကြောင်း လွိုင်ကော် PDF မှ ဂတိသစ္စာပြုခဲ့သည်။
ဒီဇင်ဘာ ၃၁ရက်မှ ဖြစ်ပွားခဲ့သည့် ဒီးမော့ဆိုတိုက်ပွဲ၌ စစ်ကောင်စီတပ်မှသေဆုံးထိခိုက်မှုများပြားခဲ့ပြီး ကရင်နီတပ်မတော်မှ ရဲဘော်တစ်ဦး၊လွိုင်ကော် PDFမှ ရဲဘော် တစ်ဦး တိုက်ပွဲအတွင်း ကျဆုံးခဲ့ပြီး ဒီးမော့ဆို PDFမှ ရဲဘော်တစ်ဦးသည် စစ်ကောင်စီတပ်ထောင်ထားသည့် မိုင်းနင်းမိ၍ ကျဆုံးခဲ့သည်ဟု ဆိုသည်။
လွိုင်ကော် PDF တပ်ဖွဲ့ဝင်၏ ဈာပန အခမ်းအနားကို ယနေ့(ဇန်နဝါရီ ၃ရက်)ပြုလုပ်ခဲ့ပြီး ကရင်နီရဲဘော်နှင့် ဒီးမော့ဆို PDF ရဲဘော်တို့၏ ဈာပန အခမ်းအနားကိုလည်း ယနေ့၌ပင် ပြုလုပ်ခဲ့ရာ သက်ဆိုင်ရာတပ်မှ တပ်ဖွဲ့ဝင်များ လိုက်ပါပို့ဆောင်ခဲ့သည်။
