အကြမ်းဖက်စစ်တပ်ထောင်ထားခဲ့သော မိုင်းများအား ပြည်သူများအန္တရာယ်မဖြစ်စေရန်ရှင်းလင်းစဥ် ဗုံးသီးတစ်လုံးပေါက်ကွဲသွားပြီး အသက် (၁၉) နှစ်အရွယ် ရဲဘော်တစ်ဦးကျဆုံးသွားခဲ့ကြောင်း YDF (Saw&Kyaukhtu) အဖွဲ့က ထုတ်ပြန်သည်။
ယနေ့ (ဇန်နဝါရီလ ၄ ရက်နေ့)တွင် YDF (ဆော&ကျောက်ထု) အဖွဲ့ဝင် များသည် အကြမ်းဖက်စစ်တပ် စစ်ကြောင်းထိုးလာစဥ်က ပြည်သူများအန္တရာယ်ဖြစ်စေရန် ရည်ရွယ်ချက်ရှိရှိဖြင့် ထောင်ထားခဲ့သော နင်းမိုင်းများနှင့် မပေါက်ကွဲသေးသောလက်နက်ကြီးများအား ရှင်းလင်းခဲ့ကြရာ နံနက် (၉) နာရီအချိန်ခန့်တွင် ဗုံးသီးတစ်လုံးပေါက်ကွဲသွားပြီး အသက် (၁၉) နှစ်အရွယ် ရဲဘော်တစ်ဦးကျဆုံးသွားခဲ့ခြင်းဖြစ်ကြောင်း အသိပေးသည်။
စစ်အာဏာရှင်အမြစ်ပြတ်ချေမှုန်းရေး ၊ ဖက်ဒရယ်ဒီမိုကရေစီရရှိရေးအတွက် ရဲဘော်တစ်ဦး၏ပေးဆပ်မှုကို ကျွန်ုပ်တို့ YDF (ဆော &ကျောက်ထု) မှ ဦးညွှတ်အလေးပြုပါကြောင်းနှင့် ကျန်ရစ်သူမိသားစုနှင့်အတူ ထပ်တူထပ်မျှဝမ်းနည်းရပါကြောင်း ညှိုးငယ်သောစိတ်ထားဖြင့် ထုတ်ပြန်ကြေညာအပ်ပါသည်ဟု ဖော်ပြထားသည်။
YDF ဆော/ကျောက်ထု တပ်ရင်း၉တပ်ရင်းမှူးဗိုလ်နက္ခတ်ဦးဆောင်သောအဖွဲ့နှင့် တပ်ရင်း၁၁ တပ်ရင်းမှုးဗိုလ်ကြေးမုံတို့ဦးဆောင်သောအဖွဲ့သည် ဇန်နဝါရီလ ၁ ရက်နေ့ ည ၁နာရီအချိန်က စကစလက်အောက်ခံ ကျောက်ထုနယ်မြေရဲစခန်း ကင်းသံချောင်းခေါက်နေချိန် ပစ်ခတ်တိုက်ခိုက်ခဲ့သည်။