ရှမ်းပြည်နယ်မြောက်ပိုင်း နမ့်ခမ်းမြို့တွင် အာဏာသိမ်းစစ်ကောင်စီတပ်က ယနေ့နံနက်ပိုင်း၌ လက်နက်ကြီးပစ်ခတ်ခဲ့၍ ကလေးငယ် ၂ဦးအပါအဝင် ဒေသခံပြည်သူ ၆ဦး ထိခိုက်ဒဏ်ရာရရှိခဲ့သည်။
တအာင်းလက်နက်ကိုင်အဖွဲ့(TNLA) တပ်ဖွဲ့ဝင်များ မြို့အတွင်း ဝင်လာ၍ စစ်ကောင်စီတပ်က လက်နက်ကြီးဖြင့် ပစ်ခတ်ရာ ဟိုနားရွာအတွင်း ကျရောက်ပေါက်ကွဲခဲ့၍ ဒေသခံများ ထိခိုက်ဒဏ်ရာရရှိခဲ့သည်။ ဒဏ်ရာရသူများ နမ့်ခမ်းဆေးရုံ၌ ကုသမှုခံယူလျက်ရှိသည်ဟု ဆိုသည်။
ထိုသို့ လက်နက်ကြီးဖြင့် ပစ်ခတ်တိုက်ခိုက်၍ TNLAကလည်း ပြန်လည်ခုခံရာ နေ့လည်ပိုင်းတွင် မြို့အနီးဝန်းကျင်၌ တိုက်ပွဲ ဖြစ်ပွားနေသည်ဟုဒေသခံက ပြောသည်။
