▪️သုံးနေရာပေါက်ကွဲခြင်းဖြစ်ပြီး ရဲလိုင်းခန်းနှင့် လဝကရုံးပါဝင်
ကမ္ဘောဒီးယားဝန်ကြီးချုပ် ဟွန်ဆန် စစ်ခေါင်းဆောင်မင်းအောင်လှိုင်နှင့် တွေ့ဆုံရန် လာရောက်ချိန် ရန်ကုန်နှင့် မန္တလေးမြို့တို့၌ ယနေ့ (ဇန်နဝါ ရီ ၇)နံနက်က စစ်ကောင်စီလက်ပါး စေများရှိသည့် နေရာများတွင် ပေါက်ကွဲမှုများ ဖြစ်ပွားခဲ့ကြောင်း ဒေသခံများက ပြော သည်။
ပေါက်ကွဲမှုဖြစ်ပွားသည့်နေရာများမှာ ရန်ကုန်မြို့သန်လျှင်မြို့ရှိ ရဲလိုင်းခန်းတစ်ခုတွင် ပေါက်ကွဲမှုဖြစ်ပွားခဲ့ပြီး မန္တလေးမြို့၌မူ ပုသိမ်ကြီးမြို့နယ် လဝကမှူးရုံးနှင့် ချမ်းမြသာစည်မြို့နယ် MIIT ကျောင်းရှေ့တို့တွင် ပေါက်ကွဲမှုများ ဖြစ်ပွားခဲ့ခြင်း ဖြစ်သည်။
သန်လျင်မြို့ပေါက်ကွဲမှုတွင် ပြည်တော်သာလမ်းရှိ ရဲလိုင်းခန်းအား ယနေ့နံနက် ၆ နာရီ ၅၀ခန့်က ဖောက်ခွဲသတိပေးခဲ့ကြောင်း Urban Phoenix Force-UPF က ထုတ်ပြန်သည်။
Public Service Announcement
ထိုဖောက်ခွဲမှုကို အဝေးထိန်းမိုင်းဖြင့် ဖောက်ခွဲခဲ့ခြင်းဖြစ်ပြီး ပြန်သူ့ဘက်မှရပ်တည်ရန်ကျန်ရှိနေသည့် ရဲဝန်ထမ်းများအား နောက်ဆုံးသတိပေးမှုအနေဖြင့် ဖောက်ခွဲခြင်းဖြစ်သည်ဟု UPF က ဆိုသည်။
အလားတူ မန္တလေးမြို့ ပေါက်ကွဲမှုများအနက် ပုသိမ်ကြီးမြို့နယ် လဝကရုံး၌ ယနေ့နံနက် ၇ နာရီခန့်တွင် ပေါက်ကွဲခဲ့ခြင်းဖြစ်ကာ ချမ်းမြသာစည်မြို့နယ် MIIT ကျောင်းရှေ့ပေါက်ကွဲမှုမှာလည်း လဝကရုံးပေါက်ကွဲမှုနှင့် မရှေးမ နှောင်းတွင် ဖြစ်ပွားခဲ့ခြင်းဖြစ်သည်ဟု ဒေသခံများက ပြောသည်။
ပေါက်ကွဲမှုဖြစ်စဥ်များကြောင့် လဝကရုံးအဆောက်အအုံနှင့် ကားနှစ်စီးထိ ခိုက်ပျက်စီးပြီး လူထိခိုက်မှုရှိ၊ မရှိကိုမူ စုံစမ်းဆဲဖြစ်ကာ အသေးစိပ်မသိရသေးပေ။
