ပြည်မြို့နယ် ဇီးအုပ်စိုက်ပျိုးရေးစခန်းဝင်းအတွင်းသို့ လက်ပစ်ဗုံးပစ်၍ ဖောက်ခွဲခဲ့ကြောင်း ပြည်မြို့နယ်ပြည်သူ့ ကာကွယ်ရေးအဖွဲ့က သတင်းထုတ်ပြန်သည်။
ဇန်နဝါရီ ၈ ရက် ညနေ ၄ နာရီခွဲတွင် ဇီးအုပ်စိုက်ပျိုးရေးစခန်းဝန်းအတွင်းရှိ တောင်သူလယ်သမား သင်တန်း ကျောင်း ဆင်ဝင်အောက်ကို လက်ပစ်ဗုံးပစ်၍ ဖောက်ခွဲခဲ့ခြင်းဖြစ်ကြောင်း ပြည်မြို့နယ်ပြည်သူ့ကာကွယ်ရေးအဖွဲ့ က သတင်းထုတ်ပြန်သည်။
“ထိုအဆောက်အဦတွင် လာမည့် (၁၀.၁.၂၀၂၂)ရက်နေ့တွင် အကြမ်းဖက်စစ်ကောင်စီ၏ စိုက်မွေးဆည် ပြည်ထောင်စု ဒုတိယဝန်ကြီးနှင့် တိုင်းဒေသကြီး စိုက်မွေးဆည် ဝန်ကြီး လာရောက်မည်ဟု သတင်း ရရှိသောကြောင့် သတိပေးဖေါက်ခွဲခြင်းဖြစ်ပါသည်။”ဟု ထုတ်ပြန်ချက်တွင် ပါရှိသည်။
ပြည်မြို့နယ်ပြည်သူ့ကာကွယ်ရေးအဖွဲ့သည် အကြမ်းဖက်စစ်ကောင်စီ၏ အုပ်ချုပ်ရေးပိုင်းကိုနည်းလမ်း အမျိုးမျိုးဖြင့် ဟန့်တားဖြတ်တောက်လျှက်ရှိပြီး ပြည်သူလူထုကို ထိခိုက်မှုမရှိအောင် သတိထားဆောင်ရွက်လျှက် ရှိကြောင်း သတင်းထုတ်ပြန်ထားသည်။