မီတာခကို Non CDM ဝန်ထမ်းများက စစ်ကောင်စီတပ်သားများနှင့်အတူ သေနတ်မောင်းတင်ကောက်ယူခဲ့
သည့် ကလေးမြို့မှ လျှပ်စစ်ဌာနမြို့နယ်ဦးစီးမှူးသည် ယနေ့ ညနေ ၄ နာရီခန့်တွင် ရုံးခန်းအတွင်းမှာပင်သေနတ်ဖြင့် ပစ်သတ်ခံရကြောင်း ဒေသခံများကပြောသည်။
ထပ်မံရရှိသည့် သတင်းအရ သေနတ်ဖြင့်ပစ်သတ်ခံရသူမှာ ကလေးမြို့တွင် မီတာခများ မရမနေရ ကောက်ယူရန် နေပြည်တော်ရုံးချုပ်မှ တာဝန်ပေးလိုက်သည့် ညွှန်မှုးအဆင့်ရှိသူဖြစ်သည်ဟု ဒေသခံများကပြောသည်။
ယနေ့ညနေတွင်အမျိုးသားအချို့က မီတာဆောင်မည့်ကိစ္စဆွေးနွေးလိုကြောင်း ဝန်ထမ်းတစ်ဦးအား အသိပေးပြီး အထက်ပါအရာရှိနှင့် တွေ့ဆုံစကားပြောခဲ့သည်။စကားပြောပြီးနောက် သေနတ်ဖြင့် သုံးချက်ပစ်ကာထွက်သွားခြင်းဟုဌာနဆိုင်ရာဝန်ထမ်းတစ်ဦးကပြောသည်။
“လျှပ်စစ်ညွှန်မှုးကနားထင်တစ်ချက်၊ရင်ဘတ်တစ်ချက် ၊ဗိုက်တစ်ချက် သုံးချက် အပစ်ခံရတာ။ ဧည့်သည်လာတယ်ဆိုလို့ အိမ်ကနေ ရုံးကိုလာပြီး ရုံးခန်ထဲမှာတွေ့ကြတာ။
စကားပြောရင်း အထဲတင် ပစ်ထားပြီး ထွက်သွားတာ” ဟု အထက်ပါဝန်ထမ်းကပြောသည်။
Public Service Announcement
သေဆုံးသူရုပ်အလောင်းကို ယနေ့ ညနေ ၅ နာရီခန့်တွင် ဆေးရုံသို့ သယ်ဆောင်သွားသည်။
