အာဏာသိမ်းစစ်ကောင်စီတပ်ရဲ့ လက်နက်ကြီးနဲ့ပစ်ခတ်မှုကြောင့် ကေအဲန်ယူ-ဖားအံမြို့နယ်ထဲက မြေးအဖွားနှစ်ဦး ဒဏ်ရာရရှိသွားခဲ့တယ်လို့ ကေအဲန်ယူက သတင်းထုတ်ပြန်ပါတယ်။
ဇန်နဝါရီ ၈ ရက်ည ၇ နာရီကျော်အချိန်က အာဏာသိမ်းစစ်ကောင်စီရဲ့ စကခ(၈) ပိန္နဲတောစခန်းထဲကနေ လက်နက်ကြီး ၃ ချက်ခန့် ပစ်ခတ်ခဲ့လို့ ကေအဲန်ယူထိန်းချုပ်နယ်မြေဖြစ်တဲ့ ဖားအံမြို့နယ် အီဟယ်ကျေးရွာမှာနေတဲ့ မြေးအဖွားနှစ်ဦးကို လက်နက်ကြီးစထိမှန် ဒဏ်ရာရရှိသွားခဲ့တာပါ။
အီဟယ်ကျေးရွာက အသက်(၈၈)နှစ်အရွယ်ရှိတဲ့ နော်နှင်းကြည်ရဲ့ ဝမ်းဗိုက်နဲ့ အသက်(၇)နှစ်အရွယ်ရှိတဲ့ စောစိုးလင်းဦးရဲ့ လည်ပင်းတို့မှာ လက်နက်ကြီးစ ထိမှန်ဒဏ်ရာရရှိသွားခဲ့တာလို့ ထုတ်ပြန်ချက်မှာ ဖော်ပြထားပါတယ်။
ပြီးခဲ့တဲ့ ဇန်နဝါရီ ၆ ရက်ကလည်း စစ်ကောင်စီတပ် ပိန္နဲတောစခန်းထဲကနေ လက်နက်ကြီးနဲ့ ပစ်ခတ်မှုတွေ လုပ်ခဲ့သေးလို့ ဖားအံမြို့နယ် ကျုံခနကျေးနယ်အုပ်စု ရှောက်ကုန်းကျေးရွာ လယ်ကွင်းမှာ ကျရောက်ပေါက်ကွဲခဲ့သေးတယ်လို့ ကေအဲန်ယူရဲ့ ထုတ်ပြန်ထားချက်အရ သိရပါတယ်။
Public Service Announcement
