နှစ်ရှည်ထောင်ဒဏ်ချခံရသူအချို့ကို အင်းစိန်ထောင်ကနေ နယ်ဘက်ထောင်တွေကို စတင်ရွှေ့ပြောင်းနေတယ်လို့သိရပါတယ်။
ဒီလိုရွှေ့ပြောင်းခံရသူတွေဟာ ထောင်ဒဏ် နှစ် ၂၀ ဒါမှမဟုတ် တသက်တကျွန်းချမှတ်ခံရသူတွေဖြစ်ပြီး စစ်အာဏာသိမ်းတာကိုဆန့်ကျင်တဲ့အတွက် ဖမ်းဆီးထောင်ချခံရသူတွေပါတယ်လို့သိရပါတယ်။
အင်းစိန်ထောင်ကနေ နယ်ထောင်ပြောင်းရွှေ့ခံရတဲ့ နှစ်ရှည်ထောင်ဒဏ်ချခံထားရသူတွေဟာ ၁၀ ဦးထက်မနည်းရှိနေတယ်လို့သိရပြီး အများစုဟာ လှိုင်သာယာ က ပါဝင်ပါတယ်။
ပြောင်းရွှေ့လိုက်တဲ့ထောင်တွေကတော့ သရက်ထောင် ၊သာယာဝတီထောင်တွေဖြစ်ပြီး ရှမ်းပြည်နယ် ၊မွန်ပြည်နယ်ဘက်က ထောင်တွေဆီကိုလည်းပို့နေတာပါ။
အင်းစိန်ကနေ နယ်ထောင်တွေကို ပို့ခံရသူတွေရဲ့ မိသားစုဝင်တွေထံ အကျဉ်းဦးစီးက ဆက်သွယ်အသိပေးတာတွေရှိနေပါတယ်။
ပြီးခဲ့တဲ့ ၂၀၂၁ ခုနှစ် နှစ်လယ်ပိုင်းကလည်း အင်းစိန်ထောင်တွင်း ဆန္ဒပြမှုတွေဖြစ်လို့ နိုင်ငံရေးပုဒ်မနဲ့ဖမ်းဆီးပြီး ပြစ်ဒဏ် ချလိုက်တဲ့ အမျိုးသမီးတွေကို နယ်ထောင်တွေကိုရွှေ့ပြောင်းတာတွေလုပ်ခဲ့ပါသေးတယ်။
Photo – AFP