သန်လျင်မြို့ရှိဈေးဆိုင်များကို အသံတိတ်သပိတ် (Silent Strike) ပြုလုပ်မည့် ဖေဖော်ဝါရီ ၁ ရက်တွင် ဆိုင်များဖွင့်ရန် နှင့် ပိတ်ထားပါက စည်ပင် သာယာရေးအဖွဲ့များ ဥပဒေ၊ ဈေးများဆိုင်ရာ စည်းကမ်းဥပဒေများဖြင့် အရေးယူမည့်အကြောင်းကို ယနေ့တွင် လက်မှတ်ထိုးခိုင်းခဲ့ကြောင်း သန်လျင်ဒေသခံတစ်ဦးက ပြောသည်။
“သန်လျင်တစ်မြို့လုံးက ဆိုင်တွေကို လက်မှတ်လိုက်ထိုးခိုင်းတာ” ဟု အထက်ပါဒေသခံက ပြောသည်။
သန်လျင်မြို့နယ်စည်ပင်သာယာဌာနသည် နှစ်ရှည်အပင်များကို ခုတ်လှဲခြင်း ၊ အခွန်များကို မတရားခြိမ်းခြောက်ကောက်ခံခြင်း ၊ Silent Strike နေ့တွင်ဆိုင်ပိတ်ပါက ဆိုင်များကို ပြည်သူပိုင်သိမ်း၍ ထောင်ချမည်ဟု ခြိမ်းခြောက်မှုများပြုလုပ်နေသောကြောင့် သန်လျင်ဗိုလ်နဂါး နှင့် Urban Guerrilla Force – Thanlyin တို့က နောက်ဆုံးအကြိမ်သတိပေးခဲ့ခြင်း ဖြစ်သည်။
သန်လျင်ဗိုလ်နဂါး နှင့် Urban Guerrilla Force – Thanlyin တို့သည် ဇန်နဝါရီ ၂၇ ရက်ကလည်း မီတာခ အတင်းအကျပ်ကောက်ခံနေသည့် သန်လျင်လျှပ်စစ်အင်ဂျင်နီယာရုံးကို ဗုံးဖောက်ခွဲသတိပေးထားသည်။
Public Service Announcement
