လွိုင်ကော်မြို့နယ်ရှိ ကျေးရွာနေအိမ်များကို ဖောက်ထွင်းခိုးယူနေသည့် စစ်ကောင်စီတပ်တိုက်ခိုက်ခံရပြီး နှစ်ဦးသေဆုံး

ယနေ့(ဇန်နဝါရီ ၂၉)နံနက် ၈နာရီခန့်က ပကြဲစံပြကျေးရွာအတွင်း ပြည်သူများ၏​နေအိမ်အချို့ကို စစ်ကောင်စီတပ်သားများက ​ဖောက်ထွင်းခိုးယူ​နေ​ကြောင်း ​တွေ့ရှိရသဖြင့် စတင်ပစ်ခတ်ခဲ့ကြောင်း ဖော်ပြထားသည်။

ထိုတိုက်ပွဲတွင် အကြမ်းဖက်စစ်ကောင်စီတပ်မှ နှစ်ဦး သေဆုံးပြီး KNDF -B12 မှ ရဲဘော်များ အကျအဆုံးမရှိခဲ့ပေ။

ယနေ့နံနက် ၅ နာရီ ၄၀မိနစ်ခန့်ကလည်း လွိုင်ကော်မြို့၌ စစ်ကောင်စီတပ်၏ သုံးစီးပါယာဥ်တန်းကို မိုင်းဆွဲခဲ့ပြီး တစ်စီးပျက်စီးခဲ့ကြောင်းလည်း KNDF-B12 က ဆိုသည်။ သို့သော် နေရာအတိအကျကို ဖော်ပြမထားပေ။

ယမန်နေ့ကလည်း လွိုင်ကော်မြို့နယ် ကျောင်းကုန်းရွာနှင့် ကုန်းဆွတ်ကျေးရွာအနီး စစ်ကြောင်းထိုးဝင်လာသော အကြမ်းဖက်စစ်ကောင်စီတပ်နှင့် တိုက်ပွဲဖြစ်ပွားခဲ့ပြီး စစ်ကောင်စီတပ် ဘက်မှ အထိနာခဲ့သည်။

Public Service Announcement

ထို့အပြင် ယနေ့နံနက်က ကရင်နီ – ရှမ်း နယ်စပ်ဖြစ်သည့် ဖယ်ခုံမြို့တွင် အကြမ်းဖက်စစ်ကောင်စီကင်းစခန်းကို ပြည်သူ့တပ်ဖွဲ့များက ဝင်ရောက်တိုက်ခိုက်ခဲ့ကာ စစ်ကောင်စီတပ်ဘက်မှ ဗိုလ်တစ်ဦးအပါအဝင် ၁၀ဦးထက်မနည်းသေဆုံးကြောင်း ဖယ်ခုံ PDFက ထုတ်ပြန်ထားသည်။