'/%3E%3C/svg%3E){kind=small}
ကြားကာလအတွင်းအခွန်ကောက်ခံမှုများတွင် ပြည်သူ့အုပ်ချုပ်ရေးအဖွဲ့ (ပအဖ) နှင့်ပြည်သူ့ကာကွယ်ရေးအဖွဲ့ (ပကဖ)များကို အခွန်ကောက်ခံခွင့်ပြုထားပြီး ၊အခွန်ရငွေ၏ ၇၀ ရာခိုင်နှုန်း ခွဲဝေသုံးစွဲခွင့်ပြုကြောင်း အမျိုးသားညီညွတ်ရေးအစိုးရအဖွဲ့(NUG)က ထုတ်ပြန်ကြေညာလိုက်သည်။
NUGက ကြားကာလ ဒေသန္တရအုပ်ချုပ်ရေး ဖော်ဆောင်ရာတွင် အခွန်ကောက်ခံခြင်းနှင့်မျှဝေသုံးစွဲခြင်းဆိုင်ရာ မူဝါဒကို ယနေ့(ဖေဖော်ဝါရီ ၆ရက်)တွင်ထုတ်ပြန်ကြေညာလိုက်သည်။ အမျိုးသားညီညွတ်ရေးအတိုင်ပင်ခံကောင်စီ(NUCC ) အဖွဲ့ဝင်များ အတူတစ်ကွ ရေးဆွဲပြင်ဆင်သဘောတူထားသော ဖက်ဒရယ်ဒီမိုကရေစီပဋိညာဥ်၏အစိတ်အပိုင်း (၁) ၊အခန်း( ၄) ၊အပိုင်း (၃) ၏ ဘဏ္ဍာရေးဆိုင်ရာ ဖက်ဒရယ်စနစ် စာပိုဒ် (၁၈) ၊ (၁၉) အရ မူဝါဒချမှတ်ခြင်းဖြစ်ကြောင်းဖော်ပြထားသည်။
အခွန်ခွဲဝေရာတွင် ပြည်ထောင်စုအစိုးရအဖွဲ့က အခွန်ကောက်ခံရရှိမူ၏ ၃၀ ရာခိုင်နှုန်းကို စီမံခွင့်ရပြီး ပြည်သူ့အုပ်ချုပ်ရေးအဖွဲ့များက ၃၀ ရာခိုင်နှုန်းနှင့် ပြည်သူ့ကာကွယ်ရေးအဖွဲ့များက ၄၀ ရာခိုင်နှုန်း စီမံခွင့်ရမည်ဟု အမျိုးသားညီညွတ်ရေးအစိုးရအဖွဲ့က ထုတ်ပြန်လိုက်သည်။
အခွန်ကောက်ခံရာတွင် ပြည်ထောင်စုအစိုးရအဖွဲ့က ကိုယ်တိုင်ကောက်ယူခြင်းနှင့်ပြည်သူ့အုပ်ချုပ်ရေးအဖွဲ့(ပကဖ)များ တဆင့်အခွန်ကောက်ခံခြင်းများကို ဆောင်ရွက်မည်ဟုဖော်ပြထားသည်။ ပြည်သူ့အုပ်ချုပ်ရေးအဖွဲ့များ အခွန်ကောက်ခံရာတွင် ပြည်တွင်းအခွန်များဦးစီးဌာနနှင့်ညှိနှိုင်းကောက်ခံရမည်ဟုလည်း သတ်မှတ်ထားသည်။
Public Service Announcement
ပြည်ထောင်စုအစိုးရသည် အခွန်ရရှိငွေ၏ ၁၀ ရာခိုင်နှုန်းကို ဒေသအချင်းချင်းမျှဝေသုံးစွဲခြင်း ကဏ္ဍတွင် အကောင်အထည်ဖော်ရမည်ဟုလည်း ပါရှိသည်။
ပြည်သူအုပ်ချုပ်ရေးအဖွဲ့များသည် ကောက်ခံရရှိငွေ၏ ၁၀ ရာခိုင်နှုန်းကို လူသားချင်းစာနာထောက်ထားကဏ္ဍမျှဝေသုံးစွဲရေးကဏ္ဍအတွက် အကောင်အထည်ဖော်ရမည်ဟုသတ်မှတ်ထားသည်။ ပြည်သူ့ကာကွယ်ရေးအဖွဲ့များ၏ အခွန်ရရှိငွေ ၂၀ ရာခိုင်နှုန်းကို သဘာဝပတ်ဝန်းကျင်ထိန်းသိမ်းစောက်ရှောက်ရေးအပါအဝင် ဒေသလုံခြုံရေးဆိုင်ရာ ကိစ္စရပ်များတွင် သုံးစွဲရမည်ဟုလည်းပါရှိသည်။
“NUGက အစိုးရယန္တယားခိုင်မာအောင် တည်ဆောက်ဖို့ မူချပေးလိုက်တာလို့မြင်တယ်။ ဒါပေမယ့် အခွန်ကိုဘယ်လို ပုံစံနဲ့ကောက်မလဲဆိုတာ ကြည့်ရပါဦးမယ်”ဟု စီးပွားရေးလုပ်ငန်းရှင်တစ်ဦးက ပြောသည်။
အခွန်ကောက်ခံရာတွင် အခွန်နှုန်းထားများကို အမျိုးသားညီညွတ်ရေးအစိုးရသတ်မှတ်ချက်တိုင်းဖြစ်ရမည်ဟုလည်းပြဌာန်းထားသည်။ အခွန်ကောက်ခံရာနှင့် မျှဝေသုံးစွဲခြင်းတို့တွင်လည်း တာဝန်ယူမူ၊ တာဝန်ခံမူရှိရမည်ဟုလည်း ဆိုထားသည်။
အထက်ပါအခွန်ဆိုင်ရာမူဝါဒသည် ကြားကာလအမျိုးသားညီညွတ်ရေးအစိုးရ သက်တမ်းအတွင်းသာ အကျုံးဝင်သည်ဟုပြဌာန်ထားသည်။
