မုံရွာ-ယင်းမာပင်-ပုလဲကားလမ်းကို ဖြတ်သန်းသွားလာခြင်း မပြုကြရန် ​မြောက်ယမားအဖွဲ့က အ​ရေး​ပေါ်ထုတ်ပြန်

စစ်ကိုင်းတိုင်း၊ မုံရွာ-ယင်းမာပင်-ပုလဲ ကားလမ်းကို ဖြတ်သန်းသွားလာခြင်း မပြုကြရန် မြောက်ယမားတပ်ဖွဲ့က အရေးပေါ်ထုတ်ပြန်ကြေညာသည်။

ယနေ့(ဖေဖော်ဝါရီ ၈ ရက်) ညနေပိုင်းတွင် စစ်ကိုင်းတိုင်း၊ယင်းမာပင် ခရိုင်အတွင်း ဒေသခံကာကွယ်ရေးတပ်ဖွဲ့များနှင့်အကြမ်းဖက်စစ်ကောင်စီတို့ ထိတွေ့တိုက်ပွဲဖြစ်ပွားနေရာ မုံရွာ-ယင်းမာပင်-ပုသိမ် ကားလမ်းကို ဖြတ်သန်းသွားလာခြင်း မပြုကြရန် မြောက်ယမားပြည်သူ့ကာကွယ်ရေးတပ်ဖွဲ့ က အရေးပေါ်ထုတ်ပြန်ကြေညာသည်။

“စစ်ကောင်စီတပ်နဲ့ ဒေသခံပူးပေါင်း PDF တပ်ဖွဲ့ဝင်တွေအကြား ထိတွေ့ တိုက်ပွဲဖြစ်ပွားနေကြတဲ့အတွက် မိဘပြည်သူများအနေနဲ့ မုံရွာ-ယင်းမာပင်-ပုလဲသွားကားလမ်းမကို အသုံးပြုပြီး ခရီးမသွားလာကြဖို့ အရေးပေါ် အသိပေးနှိုးဆော်အပ်ပါသည်”ဟု မြောက်ယမားပြည်သူ့ကာကွယ်ရေးတပ်ဖွဲ့က အသိပေးကြေညာသည်။

ယနေ့ နံနက်ပိုင်းကလည်း ယင်းမာပင်မြို့နယ် ကျေးစာကျရွာကို အကြမ်းဖက် စစ်ကောင်စီတပ်ဖွဲ့များဝင်ရောက်စီးနင်းရာ ဒေသခံများကိုဖမ်းဆီးသွားကြောင်း ဒေသခံတို့က ပြောသည်။

Public Service Announcement