စစ်ကိုင်းတိုင်း ကလေးမြို့နယ်တောင်ပိုင်း ရှေ့တန်း စစ်မျက်နှာတွင် အကြမ်းဖက်စစ်ကောင်စီကို ရင်ဆိုင်တိုက်ခိုက်လျက်ရှိသည့် ကလေး ပြည်သူ့ကာကွယ်ရေးတပ်(PDF) တပ်ဖွဲ့ဝင်များ၏ လှုပ်ရှားမှု ပုံရိပ်များကို ကလေး PDFက ယနေ့ထပ်မံထုတ်ပြန်လိုက်သည်။
ကလေး PDFနှင့် မဟာမိတ်တပ်များသည် ယခုလအတွင်း စစ်ကောင်စီတပ်များကို မကြာခဏ တိုက်ခိုက်လျက်ရှိရာ စစ်ကောင်စီတပ်က သေဆုံးထိခိုက်မှုများပြားလျက်ရှိသည်။
ဖေဖော်ဝါရီ ၁၀ရက်က ကလေး PDF၊ CDF(KKG)၊CDF (Hakha)၊RKDFနှင့် ပကဖ ပူးပေါင်းတပ်များက တိုက်ခိုက်ခဲ့၍ ကလေးတောင်ပိုင်း ကြံသာရွာတွင် တပ်စွဲထားသည့် စစ်ကောင်စီနှင့်ပျူစောထီးမှ ၁၅ဦးထက်မနည်းသေဆုံးကာ အများအပြား ဒဏ်ရာရရှိခဲ့သည်ဟုဆိုသည်။
ဖေဖော်ဝါရီ ၈ရက်ကလည်း ကလေးမြို့သို့ ဦးတည်လာသည့် စစ်ကောင်စီယာဉ်တန်းကို ပူးပေါင်းတပ်ဖွဲ့က လေးကြိမ်တိုက်ခိုက်ခဲ့ရာ စစ်ကောင်စီတပ်မှ ၁၇ဦးခန့်သေဆုံးခဲ့ကြောင်း၊ဖေဖော်ဝါရီ ၆ရက်ကလည်း ကလေးနည်းပညာတက္ကသိုလ်မှ ကလေးမြို့သု့ လာသည့်စစ်ကောင်စီတပ်ကို ကလေး PDF က တိုက်ခိုက်ခဲ့ရာ ၂၀ဦးခန့်သေဆုံးခဲ့သည်ဟု ကလေး PDFက ထုတ်ပြန်ထားသည်။
Public Service Announcement
ကလေးတောင်ပိုင်းဒေသသည် ဒေသခံ ပြည်သူ့ကာကွယ်ရေးတပ်များနှင့် စစ်ကောင်စီအကြား တိုက်ပွဲများ မကြာခဏ ဖြစ်ပွားလျက်ရှိသောဒေသတစ်ခုဖြစ်သည်။
