မွန်ပြည်နယ် ရေးမြို့နယ်ရှိ ဒေသကာကွယ်ရေးတပ်ဖွဲ့ သုံးဖွဲ့ပူးပေါင်းပြီး ကျေးရွာလူထုထံ သွားရောက်အင်အားပြ မိတ်ဆက်ခဲ့ကြောင်း မွန်ပြည်နယ်အခြေပြုတော်လှန် ရေးအစည်းအရုံး(MSRU)က ယနေ့(ဖေဖော်ဝါရီ ၁၅) ထုတ်ပြန်သည်။
MSRU ၊ ရေးဘီလူးနှင့် YSTF စသည့် ကျောပိုးအိပ်စခန်းတည်သည့် မဟာမိတိတပ်ပေါင်းစုများမှ ယနေ့နေ့လယ် ၂ နာရီခန့်တွင် ရေးမြို့နယ် ကျောင်းရွာတိုက်နယ်ရှိ လိပ်ပုတ်ကျေးရွာ၌ လှည့်လည်အင်အားပြကာ ပြည်သူလူထုနှင့်မိတ်ဆက်ခြင်းပြုလုပ်ခဲ့ကြောင်း ထုတ်ပြန်ချက်တွင် ဖော်ပြသည်။
လိပ်ပုတ်ကျေးရွာသည် စစ်ကောင်စီတပ်ရင်း (၅၉၁) တည်ရှိသည့် နေရာနှင့် နှစ်မိုင်ခန့်သာဝေးသည့် ကျေးရွာတစ်ရွာဖြစ်ကြောင်း သိရသည်။