ဒီပဲယင်းမြို့နယ်အတွင်း ဒေသကာကွယ်ရေးတပ်များလုံခြုံရေးယူ၍ လူထုဆန္ဒပြချီတက်ပွဲပြုလုပ်ခဲ့ကြောင်း Free Rangers – Depeyin အဖွဲ့က ယနေ့ ထုတ်ပြန်သည်။
လူထုဆန္ဒပြချီတက်ပြီး ပြုလုပ်ခဲ့သည့်ကျေးရွာများသည် စစ်ကောင်စီတပ်မှ ယနေ့စစ်ကြောင်းထိုးလာသောကျေးရွာအနီးတည်ရှိသော်လည်း ငြိမ်းချမ်းစွာဆန္ဒဖော်ထုတ်ပြသနိုင်ခဲ့ကြောင်း ဒေသကာကွယ်ရေးတပ်ဖွဲ့ဝင် ရဲဘော်တစ်ဦးက အတည်ပြုသည်။
“ဒီပဲယင်းသပိတ် ဦးဆောင်ကော်မတီနဲ့ပူးပေါင်းပြီးလုပ်တာပါဗျ။ စုစုပေါင်းရွာသုံးရွာပါ။ စစ် ကြောင်းထိုးလာတဲ့ရွာနဲ့ဆို သိပ်မဝေးဘူး။ လှမ်းကြည့်ရင်ကို မြင်နေရတာ”ဟု ၎င်းက ဆက်ပြောသည်။
စစ်ကောင်စီတပ်များရောက်ရှိလာနိုင်သောကြောင့် လူထုသပိတ်စစ်ကြောင်းကိုဝန်းရံသည့် ဒေသကာကွယ်ရေးတပ်များမှ ပြည်သူကိုအကာအကွယ်ပေးရန်နှင့် စစ်ကောင်စီတပ်အား ပြန်လည်ခုခံရန် အသင့်ပြင်ဆင်ထားရသည်ဟု အထက်ပါ တော်လှန်ရေးရဲဘော်က ပြောသည်။
Public Service Announcement
