ပြည်တွင်းနေရပ်စွန့်ခွာ ရွှေ့ပြောင်းသူ တွေ နေထိုင်လျက်ရှိတဲ့ ကရင်ပြည်နယ် မြိုင်ကြီးငူဒေသမှာ UNHCR က အစားအစာ မဟုတ်တဲ့ အရေးပေါ်ကယ်ဆယ်ရေးပစ္စည်း စုစုပေါင်း ၁၅၀၀၀ ကျော်ကို ဖြန့်ဝေခဲ့ပါတယ်။
ဖေဖော်ဝါရီလ ၈ ရက်ကနေ ၁၀ ရက်အထိ အိမ်ထောင်စုဝင် ၇၂၀၊ လူဦးရေ ၄၇၆၉ ဦးထံကို ထောက်ပံ့ခဲ့တာဖြစ်ပါတယ်။
ခြင်ထောင်၊ စောင်၊ ရေသိုလှောင်ပုံး၊ မီးဖိုချောင်သုံးပစ္စည်း၊ တာပေါ်လင်၊ ဖျာ၊ ပလတ်စတစ် ရေပုံး၊ နိုင်လွန်ကြိုးတွေနဲ့ တကိုယ်ရည်သုံး သန့်ရှင်းရေးပစ္စည်းတွေ ပါဝင်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ဒါ့အပြင် မြိုင်ကြီးငူဒေသရှိ ဆေးရုံနဲ့ သံဃာ့ဆေးရုံတို့ကိုလည်း ကုတင်၊ အိပ်ယာ၊ အိပ်ယာခင်းတွေနဲ့ ခေါင်းအုံးစွပေတွေစတဲ့ အိပ်ယာအသုံးအဆောင်ပစ္စည်း အရေအတွက် ၂၀ ခုတို့ကို ပေးအပ်ထောက်ပံ့ခဲ့ပြီး အဆိုပါဆေးရုံတွေဟာ ဒေသအတွင်းရှိ လူပေါင်း ၁၈, ၀၀၀ ကျော်ကို ဝန်ဆောင်မှုပေးလျက်ရှိတယ်လို့ UNHCR ရဲ့ ထုတ်ပြန်ချက်အရ သိရပါတယ်။
မယ်သဝေါဒေသမှာ ပြီးခဲ့တဲ့ ၂၀၁၆ ခုနှစ်က ဒီကေဘီနဲ့ နယ်ခြားစောင့်တပ် စစ်တပ်တို့အကြား ဖြစ်ပွါးခဲ့တဲ့တိုက်ပွဲကြောင့်မယ်သဝေါဒေသခံ ထောင်ချီခန့်ဟာ မြိုင်ကြီးငူကို တိမ်းရှောင်လာခဲ့ပြီး ဒီကနေ့အချိန်ထိ နေရပ်ကိုမပြန်နိုင်သေးပဲ မြိုင်ကြီးငူဒေသမှာပဲ ဆက်လက်နေထိုင်နေတာ ဖြစ်ပါတယ်။