သင်္ဃန်းကျွန်းမြို့နယ်၊ စံပြဈေးအနီးရှိ အကြမ်းဖက်စစ်ကောင်စီတပ် စွဲထားသည့် စစ်တပ်ပိုင် မြဝတီဘဏ်တွင် ယနေ့ည ၉နာရီခွဲခန့်တွင် ဗုံးပေါက်ကွဲခဲ့ပြီး စစ်ကောင်စီတပ်သားများ ရမ်းသမ်းပစ်ခတ်နေကြောင်း ဒေသခံများကပြောသည်။
မြဝတီဘဏ်ရှိစစ်ကောင်စီတပ်သားများကိုဗုံးဖြင့်ပစ်ပေါက်တိုက်ခိုက်ခံခဲ့ရခြင်းဖြစ်ပြီး ထိုတိုက်ခိုက်မူကို ACPLFနှင့် Hmawbi Revolution Force-HRF တို့၏ ကူညီမူဖြင့် PDF(ဗဟန်း)နှင့် Helloအဖွဲ့တိုက တိုက်ခိုက်ခဲ့ခြင်းဖြစ်ပြီး စစ်ကောင်စီတပ်သား၅ဦးသေဆုံးပြီး ၂ ဦးဒဏ်ရာရရှိခဲ့သည်ကြောင်း ရန်ကုန်PDF( ဗဟန်း)အဖွဲ့ကထုတ်ပြန်သည်။
ထိုအပြင် ယနေ့ညမှာပင် မှော်ဘီမြို့ ဆပ်ပလိုင်း GEတပ်ရိပ်သာကိုလည်း ည ၉ နာရီကျော်ခန့်က လက်ပစ်ဗုံးဖြင့် ပစ်ခတ်တိုက်ခိုက်ခဲ့ပြီး အရာရှိ ၃ဦးခန့်ထိ့ခိုက်ဒဏ်ရာရရှိခဲ့သည်ဟုမှော်ဘီတော်လှန်ရေးအင်အားစု-HRF ကထုတ်ပြန်သည်။ မှော်ဘီGE တပ်ရိပ်သာကို HRF ၊ACPLF နှင့် ရန်ကုန်PDF(ဗဟန်း) တို့က ပူးပေါင်းတိုက်ခိုက်ခဲ့ခြင်းဖြစ်ကြောင်းဖော်ပြထားသည်။
မြဝတီဘဏ်ဗုံးပေါက်ကွဲမူအပြီးတွင် အကြမ်းဖက်စစ်ကောင်စီတပ်သားများက သေနတ်ဖြင့် ၁၀ ချက်ကျော် ရမ်းသမ်းပစ်ခတ်ခဲ့သည်ဟု ဒေသခံအချို့ကပြောသည်။ ထိုပစ်ခတ်အမူအပြီးတွင် လေးထောင့်ကန်လမ်း၊ စံပြဈေးအနီးတွင်လည်း စစ်ကောင်စီတပ်သားအင်းအားအများအပြားထပ်မံရောက်ရှိလာသည်ဟုသိ့ရသည်။
“ပစ်တာတော့ အကြိမ်အများကြီးဘဲ၊ ဆဲဆိုပြီး ပစ်နေတာ၊ သူတို့ဘက်သေလား၊ မသေလားတော့ မသိဘူး”ဟု ဒေသခံတစ်ဦးကပြောသည်။
ထိုသို့ ပစ်ခတ်ပြီးနောက် သင်္ဃန်းကျွန်းမြို့နယ် (ခ) ရပ်ကွက်၊ အောင်မင်္ဂလာလမ်းမပေါ်က ဗားဂရား အစ္စလာမ်စာသင်ကျောင်းအတွင်းရှိ လူငယ်များကို ဒူးထောက်လက်မြှောက်ခိုင်းပြီး စစ်ဆေးမူများလုပ်နေသည်ဟု ဒေသခံအချို့ကပြောသည်။
ဗုံးပစ်ခံရသည့် စစ်ကောင်စီ လုံခြုံရေးစခန်းသည် သဲအိတ်များ အခိုင်အမာ နေရာယူထားပြီး စစ်ကောင်စီတပ်သားများ ကင်းစောင့်နေရာဖြစ်သည်။ ထိုပေါက်ကွဲသည့်နေရာကို လူနာတင်ယာဉ်တစ်စီးလည်းရောက်ပြီးလာသည်ဟု သိ့ရသည်။ တိုက်ခိုက်မှုဖြစ်ပြီးနောက် စစ်ကောင်စီတပ်သားများထပ်မံရောက်ရှိလာပြီး လုံခြုံရေးမြှင့်ထားသည်ဟုသိ့ရသည်။
ထိုအပြင် ယနေ့(ဖေဖော်ဝါရီ ၁၉ )နေ့လယ် ၁၂ နာရီခန့်တွင်သာကေတ မြို့နယ်တွင်ကင်းလှည့်နေသည့်စစ်ကောင်စီတပ်သားများ၏ ကားကို WWSTF အဖွဲ့က ဗုံးဖြင့်တိုက်ခိုက်ခဲ့ပြီးတစ်ချိန်တည်းတွင် စစ်ကောင်စီတပ်စွဲထားသည့် သာကေတဘောလုံးကွင်းကို ဗုံးဖြင့်တိုက်ခိုက်ခဲ့ရာ စစ်ကောင်စီတပ်သား ၂ ဦးသေဆုံးနိုင်ပြီး ၄ ဦးဒဏ်ရာရရှိခဲ့ကြောင်းတိုက်ခိုက်သော အဖွဲ့က ထုတ်ပြန်သည်။
အလားတူယနေ့ည ၇ နာရီဝန်းကျင်အချိန်တွင် မြောက်ဒဂုံမြို့နယ်၊ ထားဝယ်ချောင်ရဲစခန်းကို ဗုံးဖြင့်ပစ်ခတ်တိုက်ခိုက်မှုဖြစ်ပွားခဲ့ကြောင်းဒေသခံအချို့ကပြောသည်။