စစ်ကိုင်းတိုင်း ကလေးမြို့နယ်တောင်ပိုင်း၌ အကြမ်းဖက်စစ်ကောင်စီတပ်ကို ယမန်နေ့က ပြည်သူ့ကာကွယ်ရေးပူးပေါင်းတပ်ဖွဲ့များက တိုက်ခိုက်ခဲ့ရာ စစ်ကောင်စီတပ်ဖွဲ့ဝင် နှစ်ဦး သေဆုံးခဲ့သည်ဟု ချင်းဒေသကာကွယ်ရေးတပ်(ကလေး-ကဘော်-ဂန့်ဂေါ)-CDF(KKG)က ထုတ်ပြန်သည်။
ကလေးတောင်ပိုင်း ကြာအင်းကျေးရွာမှ ချီတက်လာသော စစ်ကောင်စီတပ်ကို CDF-KKG, CDF-Hakha, PDF Kalay, CNDF, RKDF, ပကဖ ပူးပေါင်းတပ်ဖွဲ့တို့မှ ဖေဖော်ဝါရီ ၁၉ရက် နံနက် ၁၀နာရီတွင် ကြားဖြတ်တိုက်ခိုက်ခဲ့ရာ ၁နာရီကြာ တိုက်ပွဲဖြစ်ခဲ့သည်ဟု ဆိုသည်။
စစ်ကောင်စီတပ်မှ လက်နက်ကြီး လက်နက်ငယ်များဖြင့် ပြန်လှန်ပစ်ခတ်မှုများ ရှိခဲ့ကြောင်း၊ တိုက်ပွဲအတွင်း စစ်ကောင်စီတပ်မှ နှစ်ဦးကျဆုံးခဲ့ပြီး ဒဏ်ရာရရှိသူများလည်း ရှိနိုင်ပြီး ပူးပေါင်း တပ်ဖွဲ့မှ အထိအခိုက်မရှိ ဆုတ်ခွာနိုင်ခဲ့ကြောင်း ဖော်ပြထားသည်။
ကလေးမြို့တောင်ပိုင်းတွင် အကြမ်းဖက်စစ်ကောင်စီတပ်နှင့် ဒေသခံကာကွယ်ရေးတပ်ဖွဲ့တို့ကြား ဖေဖော်ဝါရီလဆန်းမှစ၍တိုက်ပွဲများ ပြင်းထန်နေသည်။ အကြမ်းဖက်စစ်ကောင်စီတပ်က ကလေးမြို့တောင်ပိုင်းကို အခြေပြုပြီး ဒေသခံကာကွယ်ရေးတပ်များကို တိုက်ခိုက်ရန် စီစဉ်နေခြင်းဖြစ်သည်ဟု ဒေသခံကာကွယ်ရေးတပ်များနှင့် နီးစပ်သူတစ်ဦးကပြောသည်။
Public Service Announcement
