▪️ထိုင်းနိုင်ငံခြားရေးဝန်ကြီးနှင့်တွေ့ဆုံစဉ် မြန်မာ့အကျပ်အတည်းဖြေရှင်းရေး ပြင်သစ်ဆွေးနွေး
မြန်မာ့အကျပ်အတည်းဖြေရှင်းရေး အာဆီယံဘုံဆုံးဖြတ်ချက် ၅ရပ်အကောင်အထည်ဖော်ရန် ပြင်သစ် ဥရောပနှင့် နိုင်ငံခြားရေးဝန်ကြီး Mr. Jean-Yves Le Drianက တိုက်တွန်းခဲ့သည်။
အကြမ်းဖက်စစ်ကောင်စီ တက်ခွင့်မရသည့် အင်ဒို-ပစိဖိတ်ဝန်ကြီးများ အဆင့်ဖိုရမ်တက်ရောက် ရန် ပါရီမြို့သို့ရောက်ရှိနေသော ထိုင်းနိုင်ငံခြားရေးဝန်ကြီးကို လက်ခံတွေ့ဆုံရာတွင် ဝန်ကြီး Mr. Jean-Yves Le Drian က မြန်မာ့အရေးကို ထည့်သွင်းဆွေးနွေးသည်။
မြန်မာနိုင်ငံအခြေအနေ ယိုယွင်းလာမှုအပေါ် နက်ရှိုင်းစွာစိုးရိမ်ကြောင်းနှင့် အကျပ်အတည်း ဖြေရှင်းရေး အာဆီယံ၏လုပ်ဆောင်မှုများကို ပြင်သစ်က ထောက်ခံကြောင်း အထက်ပါဝန်ကြီးက ပြောသည်။
ထို့အပြင် ပါဝင်ပတ်သက်သူများအားလုံးပါဝင်သည့် နိုင်ငံရေးဆွေးနွေးပွဲတစ်ရပ်ကို လုပ်ဆောင်ခြင်း အပါအဝင် ဘေးကင်းပြီး အဟန့်အတားမရှိ လူသားချင်းစာနာထောက်ထားမှု ဆိုင်ရာ လိုအပ်ချက်များနှင့် လူသားချင်းစာနာထောက်ထားမှုဆိုင်ရာ တုံ့ပြန်ရေးတွင် ထိုင်းနိုင်ငံမှ ပါဝင်နိုင်သည့် မရှိမဖြစ် အခန်းကဏ္ဍကို ဝန်ကြီး Mr. Jean-Yves Le Drian က ဆက်ပြောသည်။