လွိုင်ကော်မြို့မှ လွိုင်လင်မြို့ (ရှမ်း-ကယား နယ်စပ်) လမ်းမကြီးတစ်လျှောက် ၁၂ဘီးကားများ၊ အလုံပိတ်ကား ၊မှန်လုံကား၊ တွဲကားများ ၊ကုန်တင်ကားအကြီးများ နှင့် စစ်ကောင်စီအတွက်အသုံးပြုသည့်ယာဥ်များ ယနေ့ (ဖေဖော်ဝါရီ ၂၇ရက်)ကစ၍ လုံး၀ဖြတ်သန်းသွားလာခြင်းမပြုရန် KNDF-B-14 က ထုတ်ပြန်သည်။
လက်ရှိ ကယား(ကရင်နီ)ပြည်နယ်အတွင်း စစ်ရေးအခြေအနေကြောင့် ယခုကဲ့သို့ ထုတ်ပြန်သတိပေးမှုပြုလုပ်ခြင်းဖြစ်သည်ဟု ကရင်နီ အမျိုးသားများကာ ကွယ်ရေးတပ်(KNDF)တာဝန်ရှိသူက လူထုနွေဦးသို့ ပြောသည်။
“အကြမ်းဖက်စစ်တပ်က အင်အားအလုံးအရင်းနဲ့ ထိုးစစ်ဆင်မယ်ဆိုတာ သတင်းတွေ ထပ်ရထားတယ်။ဒါကြောင့် လမ်းပိုင်းဆိုင်ရာအရ ကျွန်တော်တို့ ကြိုပြီး ကာကွယ်ရမှာဖြစ်တယ်”ဟု ၎င်းက ပြောသည်။
ရှမ်း-ကယား နယ်စပ်မှတစ်ဆင့် အကြမ်းဖက်စစ်ကောင် စီက စစ်အင်အားတိုးမြင့်မည်ဆိုပါက ဆီဆိုင်-လွိုင်လင် လမ်းကြောကို မဖြစ်မနေ အသုံးပြုရမည်ဖြစ်ပြီး တောလမ်းကြောင်းမှတစ်ဆင့်လည်း ဝင်ရောက်လာနိုင်ကြောင်းလည်း KNDF က သုံးသပ်သည်။
Public Service Announcement
ဖေဖော်ဝါရီ ၁၅ရက်ကစ၍ ရှမ်း-ကယား နယ်စပ် မိုးဗြဲမြို့ကို အကြမ်းဖက်စစ်ကောင်စီတပ်က စတင်ထိုးစစ်ဆင်ခဲ့ပြီး ထို့နောက် ဖယ်ခုံ ၊ ဒီးမော့ဆို မြို့နယ်ကို စစ်ကြောင်း ရွှေ့လာခဲ့သည်။
ကရင်နီပြည်နယ်အတွင်း ညတိုက်ပွဲများမှာ နေ့စဥ် ဖြစ်ပွားနေပြီး နှစ်ဖက်ထိခိုက်ကျဆုံးမှုများရှိနေကာ အကြမ်းဖက်စစ်တပ်၏ မြေပြင်စစ်ကြောင်းမှာ ပို၍ အထိနာနေသည်။
ထို့ကြောင့် နေ့စဥ် လေယာဥ်နှင့် လက်နက်ကြီးများကို အကြမ်းဖက်စစ်တပ်က အသုံးပြုနေရသည်။
လေကြောင်းရန် ကာကွယ်ရေးအတွက် လက်နက် ဝယ်ယူရေးကိုလည်း ကရင်နီတပ်ပေါင်းစုက ကြိုးစားနေပြီး ပြည်တွင်း၊ပြည်ပ အလှူရှင်များကို ဖိတ်ခေါ်နေသည်။
