အကြမ်းဖက်စစ်ကောင်စီ၏ ထုတ်ကုန်များအားလုံးကို ဖားကန့်ခရိုင်အတွင်းမတ်လ ၂၀ ရက်နောက်ဆုံးထား၍ လုံးဝမရောင်ချရန် ကချင်လွန်လပ်ရေးတပ်နတော်-KIA ကသတိပေးချက်ထုတ်ပြန်သည်။
အာဏာသိမ်းစစ်ကောင်စီ၏ ဦးပိုင်နှင့်ကျောထောက်နောက်ခံအကျိူးတူလုပ်ငန်းများဖြစ်သော အရက်၊ဘီယာမျိုးစုံနှင့် ဆောက်လုပ်ရေးသုံး ဆင်မင်းဘိလပ်မြေများကို သယ်ယူပို့ဆောင်ခြင်းလက်လီလက်ကား ရောင်းဝယ်ဖောက်ကားခြင်း မပြုလုပ်ရန် သတိပေးချက်ထုတ်ပြန်ခြင်းဖြစ်သည်။
ဖားကန့်ခရိုင်အတွင်းမြို့တွင်းမြို့ ပြင်နှင့်ကျေးလက်ဒေသမှ စားသောက်ဆိုင်၊ ကုန်စုံဆိုင်နှင့်KTV များ ၊ဘားများအပြင် ကျောက်စိမ်းမှော်များရှိ ဆိုင်မျိုးစုံတွင်လည်း အထက်ပါ ထုတ်ကုန်များမရောင်းချရန်တားမြစ်ပိတ်ပင်ထားသည်။
မတ်လ ၂၀ရက် နောက်ဆုံးထားသတိပေးထားပြီး မလိုက်နာပါက ထိရောက်စွာ အရေးယူမည်ဟုလည်းဖော်ပြထားသည်။
ဖားကန့်လူထုသည် စစ်အာဏာရှင်ဆန့်ကျင်ရေးတွင်တက်ကြွပြီး ၊စစ်အာဏာရှင် ပြုတ်ကျရေးဆန္ဒပြပွဲများကိုလည်း ဆက်တိုက်ပြုလုပ်နေသလို KIA ၏ယခုသတိပေးချက် မတိုင်မီကပင် စစ်တပ်ထုတ်ကုန်များ မရောင်းချခဲ့ဟု ဒေသခံကုန်သည်အချို့ကပြောသည်။
ထိုအတောအတွင်း ဖားကန့်ဒေသ၌ ထူးခြားမှုအဖြစ်ဖားကန့်- ကားမိုင်း-လဝါးသွားလမ်းဆုံတွင် ယခင်ကတပ်စွဲထားသည် အကြမ်းဖက်စစ်ကောင်စီတပ်ဖွဲ့ဝင်များ ယခုရက်ပိုင်းတွင် တပ်ဆုတ်သွားပြီဟု ဒေသခံများကပြောသည်။
ကားမိုင်း-လဝါးလမ်းဆုံရှိ အကြမ်းဖက် စစ်ကောင်စီဂိတ်ကို KIAကဖေဖော်ဝါရီလ ၂၅ရက်တွင်သွားရောက်တိုက်ခဲ့ရာစစ်ကောင်စီဘက်က ငါးဦး သေဆုံးခဲ့ပြီး သေနတ်လည်း သိမ်းဆည်းနိုင်ခဲ့ကြောင်းကချင်ပြည်နယ်အခြေစိုက်သတင်းဌာနအချို့က ဖော်ပြထားသည်။