Connect with us

Hi, what are you looking for?

LuduNwayOo

News

အကြမ်းဖက်စစ်တပ်ကို လေယာဉ်ဆီရောင်းချမှုပိတ်ဆို့ရေး၊ ICC လွှဲပြောင်းရေး၊ ICJ အမှုကို ကူညီရေးတို့ကို ဗြိတိန်အမတ်များ အဆိုတင်သွင်းတောင်းဆို

အကြမ်းဖက်မြန်မာစစ်တပ်ကို လေယာဉ်ဆီရောင်းချမှုပိတ်ဆို့ဒဏ်ခတ်ရေးအတွက် ဗြိတိန်ပါလီမန်အမတ် ၅၆ ဦးက တောင်းဆိုထားသည်။

ဓာတ်ပုံ - PS

အကြမ်းဖက်မြန်မာစစ်တပ်ထံ လေယာဉ်ဆီ ရောက်ရှိမှု ရပ်တန့်ရေး ဒဏ်ခတ်ပိတ်ဆို့မှုများလုပ်ဆောင်ရန် ဗြိတိန်အစိုးရကို တောင်းဆိုသည့် ‘Early Day Motion’ အဆိုကို ဗြိတိန်အမတ်များတောင်းဆိုလာခြင်းဖြစ်ပြီး အမတ် ၅၆ ဦးမှာ နိုင်ငံရေးပါတီ ၉ ခုမှ အမတ်များနှင့် တစ်သီး ပုဂ္ဂလအမတ်များ ပါဝင်သည်။

ယမန်နှစ် စစ်တပ်အာဏာသိမ်းချိန်မှစ၍ အကြမ်းဖက်မြန်မာစစ်တပ်သည် အရပ်သားများအပေါ် လေကြောင်းတိုက်ခိုက်မှုများအသုံးပြုခြင်း၊ သတ်ဖြတ်ခြင်း၊ ဒဏ်ရာရစေခြင်း၊ ထောင်ပေါင်းများစွာ အတင်းအကျပ်နေရပ်စွန့်ခွာစေခြင်းများကို တိုးမြှင့်လုပ်ဆောင်လုပ်ဆောင်ခဲ့ကာ ယင်းက လူသားချင်းစာနာမှုဆိုင်ရာအကျပ်အတည်းကို ဖြစ်ပေါ်စေကြောင်း Burma Campaign UK က ထုတ်ပြန်သည်။

“မြန်မာစစ်တပ်က တိုင်းရင်းသားပြည်နယ်တွေမှာ အရပ်သားတွေအပေါ်အဆင်အခြင်မဲ့ ဗုံးကျဲမှု တွေကဆင့် လူသားမျိုးနွယ်စုအပေါ် ရာဇဝတ်မှုတွေ ကျူးလွန်နေတယ်။ လေယာဉ်ဆီဒဏ်ခတ် ပိတ်ဆို့တာက တိုက်လေယာဉ်တွေနဲ့ ဗုံးကျဲတာတွေကို ရပ်တန့်ဖို့ အကူအညီဖြစ်စေမှာပါ”ဟု Early Day Motion အဆိုတင်သွင်းသူ ဗြိတိန်အမတ် Rushanara Ali က ပြောသည်။

အဆိုပါ Early Day Motion တွင် ဗြိတိန်အစိုးရအနေဖြင့် မြန်မာ့အရေးကို နိုင်ငံတကာရာဇဝတ်မှု ခုံရုံး(ICC)သို့လွှဲပြောင်းပေးရေးနှင့် အပြည်ပြည်ဆိုင်ရာတရားရုံး(ICJ)အမှုတွင် ပါဝင်ရေး တို့ကို ကူညီထောက်ပံ့ရန် ဗြိတိန်အမတ်များက ထည့်သွင်းတောင်းဆိုသည်။

You May Also Like

ဗီဒီယို

ဇီလန်စကီးရဲ့ ခရီးစဉ် အတောအတွင်း ဗြိတိန် အစိုးရဟာ ရုရှားအပေါ် အရေးယူ ပိတ်ဆို့မှုတွေ ထပ်မံ ထုတ်ပြန်သွားမယ်လို့လည်း ယုံကြည်ရပါတယ်။

သတင်း

ပြီးခဲ့သည့် သီတင်းပတ်ကတည်းက လန်ဒန်သို့ရောက်ရှိနေသော ဝန်ကြီးဒေါ်ဇင်မာအောင်သည် ၎င်း၏ ယူကေခရီးစဥ်အတွင်း အခြားသော သက်ဆိုင်ရာတာဝန်ရှိသူများနှင့်လည်း ဆက်လက် တွေ့ဆုံ၍ မြန်မာ့အရေးပူးပေါင်းဆောင်ရွက်နိုင်ရန် တွေ့ဆုံဆွေးနွေးသွားမည်ဟု သိရသည်။

နိုင်ငံတကာ

နာမည် ဖော်ပြမထားတဲ့ အမေရိကန် ထိပ်တန်း စစ်ဗိုလ်ချုပ်ကြီး တစ်ဦးက ဗြိတိန် ကာကွယ်ရေးဝန်ကြီး ဘန်ဝေါလေ့စ်နဲ့ တွေ့ဆုံချိန်မှာ မဟာမိတ် နိုင်ငံရဲ့ တိုက်ခိုက်ရေးစွမ်းရည် ကျဆင်းလာမှုကို ပွင့်ပွင့်လင်းလင်း သတိပေးခဲ့တာလို့ Sky Newsက ဖော်ပြခဲ့ပါတယ်။

ဗီဒီယို

လူမှုကွန်ရက်ပေါ်တင်ဖို့ ရိုက်ကူးထားတဲ့ ဗီဒီယို တစ်ခုမှာ ဆူနက်ခ်ဟာ မောင်းနှင်နေတဲ့ ကားတစ်စီးရဲ့ နောက်ခန်းမှာထိုင်ရင်း စကားပြောနေခဲ့ပေမယ့် ခါးပတ် ပတ်မထားတာကို တွေ့ရပါတယ်။ ဗြိတိန်မှာတော့ ယာဉ်မောင်းရော၊ ခရီးသည် အားလုံးပါ ကားမောင်းနေချိန် ခါးပတ် ပတ်ထားဖို့ ဥပဒေ ထုတ်ပြန်ထားပါတယ်။