'/%3E%3C/svg%3E){kind=small}
စစ်ရေးအခြေအနေကြောင့် ဖေဖော်ဝါရီ လကုန်အထိ ပိတ်ထားခဲ့သည့် မြစ်ကြီးနား -ဆွမ်ပရာဘွမ်- ပူတာအိုလမ်းပိုင်းကို မတ်လ ၂ရက်မှစ၍ စက်သုံးဆီနှင့် ကုန်တင်ယာဉ်များ ဖြတ်သန်းသွာလာနိုင်ပြီဖြစ်ကြောင်း ပူတာအို ပြည်သူ့ကာကွယ်ရေးတပ်ဖွဲ့(PDF)က ယနေ့ ထုတ်ပြန် သည်။
အဆိုပါလမ်း၌ PDFနှင့် KIA ပူးပေါင်းတပ်နှင့် စစ်ကောင်စီတပ်အကြား စစ်ရေးတင်းမာခဲ့၍ ဖေဖော်ဝါရီ ၂၈ရက်အထိ ယာယီပိတ်ထားခဲ့ခြင်းဖြစ်သည်ဟုဆိုသည်။
ယခု သွားလာခွင့်ပြုရာတွင် စက်သုံးဆီနှင့် ကုန်တင်ယာဉ်များကိုသာ ပြန်လည်ခွင့်ပြုခြင်းဖြစ်ပြီး ခရီးသည်များ တင်ဆောင်ခွင့်မပြုပေ။
ထို့ပြင် တားမြစ်ကုန်ပစ္စည်းများဖြစ်သည့် မြန်မာဘီယာအပါအဝင် အကြမ်းဖက်စစ်ကောင်စီနှင့် ပတ်သက်သော ကုန်ပစ္စည်းများ၊ စစ်သားများ၊ စစ်လက်နက် ပစ္စည်းကိရိယာများ လုံး၀တင်ဆောင်ခွင့်မပြုကြောင်း ဖော်ပြထားသည်။
Public Service Announcement
သွားလာရာတွင်လည်း ယခင်သတ်မှတ်ထားသည့် ကန့်သတ်ချိန်ဖြစ်သော နံနက် ၆နာရီမှ ညနေ ၅နာရီ အတွင်းသာ ဖြတ်သန်းသွားလာခွင့်ရှိကြောင်း ဖော်ပြထားသည်။
