ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်(ဗကသ)ဒုဥက္ကဋ္ဌဖြစ်သူ ကျောင်းသားခေါင်းဆောင် ကိုထက်အောင်အား အကြမ်းဖက်စစ်ကောင်စီအဖွဲ့က ထောင်ဒဏ်လေးနှစ် ချမှတ်လိုက်သည်။
အကြမ်းဖက်စစ်ကောင်စီလက်အောက်ခံ ပေါင်းတည်မြို့နယ်တရားရုံးက ယနေ့(မတ် ၁)တွင် စီရင်ချက်အမိန့် ချမှတ်လိုက်ခြင်း ဖြစ်သည်။
ပြည်တက္ကသိုလ် ကျောင်းသားသမဂ္ဂဥက္ကဋ္ဌ (ဟောင်း)တစ်ဦးဖြစ်သည့် ကိုထက်အောင်အား အကြမ်းဖက်စစ်ကောင်စီက ၂၀၂၁ ခုနှစ် စက်တက်ဘာ ၆ ရက်တွင် မတရားဖမ်းဆီးခံခဲ့ရခြင်းဖြစ်ကြောင်း ပြည်တက္ကသိုလ် ကျောင်းသားသမဂ္ဂက အသိပေးသည်။
အကြမ်းဖက်စစ်ကောင်စီ၏ မတရားဖမ်းဆီးခံရပြီး ထောင်ဒဏ်ချမှတ်ခံရသူ ဗကသများအဖွဲ့ချုပ် ဒုဥက္ကဋ္ဌ ကိုထက်အောင်သည် ပြည်တက္ကသိုလ် ဘူမိဗေဒ တတိယနှစ်ကျောင်းသားတစ်ဦး ဖြစ်သည်။
Public Service Announcement
