မြေနီကုန်းခုံးကျော်တံတား နံရံဆေးရေးပန်းချီများအား အကြမ်းဖက်စစ်ကောင်စီက ဖျက်ဆီးလိုက်ခြင်းကို ရှုတ်ချကြောင်း ပြင်သစ်သံရုံးက ထုတ်ပြန်သည်။
မြန်မာနိုင်ငံဆိုင်ရာ ပြင်သစ်သံရုံးသည် မြေနီကုန်းနံရံဆေးရေးပန်းချီများကို ၂၀၁၆ တွင် ရန်ကုန်မြို့၌ ကျင်းပပြုလုပ်ခဲ့သော ‘မင်္ဂလာယဉ်ကျေးမှုပွဲတော်’ တစိတ်တပိုင်းအဖြစ် ရေးဆွဲခဲ့ပြီး ယင်းပန်းချီများကို စစ်တပ်ကခန့်အပ်ထားသော အုပ်ချုပ်ရေးတာဝန်ရှိသူများက တမင်တကာ ဖျက်ဆီးပစ်လိုက်ခြင်းအား သံရုံးက အံ့ဩစွာသိရှိရကြောင်း ထုတ်ပြန်သည်။
“လွတ်လပ်စွာ ထုတ်ဖော်ပြောဆိုခွင့်နှင့် အနုပညာ ထုတ် ဖော်ခွင့်ကို လေးစားလိုက်နာရန်နှင့် နိုင်ငံ၏အနုပညာနှင့် အမွေအနှစ်များကို ထိန်းသိမ်းစောင့်ရှောက်ပါရန် ပြင်သစ်သံရုံးက တောင်းဆိုလိုက်သည်”ဟု ပြင်သစ်သံရုံးက ထုတ်ပြန်သည်။
အကြမ်းဖက်စစ်တပ်သည် မြေနီကုန်းခုံကျော်တံတားနံရံတွင် ရေးဆွဲထားသာ ပန်းချီဖန်တီးမှုကို ထုံးသုတ်ဖျက် ဆီးခဲ့ပြီး ယင်းလုပ်ရပ်ကို မြို့ခံပြည်သူများကလည်း ရှုတ်ချခဲ့သည်။
Public Service Announcement
