ပခုက္ကူမြို့တွင် လုံခြုံရေးအကြောင်းပြကင်းလှည့်နေသည့် အကြမ်းဖက်စစ်ကောင်စီတပ်ကို ပြည်သူ့ကာကွယ်ရေးအဖွဲ့နှစ်ဖွဲ့က မိုင်းဆွဲတိုက်ခိုက်ရာ စစ်ကောင်စီဘက်က ၆ ဦးသေဆုံးခဲ့ကြောင်းဒေသခံပြည်သူ့ကာကွယ်ရေးတပ်ဖွဲ့များကထုတ်ပြန်သည်။
ဆိုင်ကယ်သုံးစီးဖြင့် သွားနေသည့် စစ်ကောင်စီတပ်ဖွဲ့ဝင် ၆ဦးကို ပခုက္ကူ မြို့ရှောင်လမ်းတွင် ပဒေသာ မိုင်းငါးလုံးဖြင့် ယနေ့(မတ်လ ၂၇ရက်) နံနက် အစောပိုင်းက မိုင်းခွဲတိုက်ခိုက်ခဲ့ခြင်းဟု ပြည်သူ့ကာကွယ်ရေးမဟာမိတ်အဖွဲ၏ထုတ်ပြန်ချက်တွင်ဖော်ပြထားသည်။
“မနက် သုံးနာရီဝန်းကျင်လောက်မှာ မိုင်း ငါးလုံးဆင့်ပေါက်သံကြားတာ။ မနက်ကျတော့ သတင်းထွက်လာတယ်။ စစ်ခွေး ၆ ယောက်သေတယ်တဲ့”ဟု ပခုက္ကူမြို့ခံတစ်ဦးကပြောသည်။
အကြမ်းဖက်စစ်ကောင်စီတပ်ဖွဲ့ဝင် ၆ ဦးအား သုတ်သင်ရှင်းလင်းနိုင်ခဲ့သည့် အထက်ပါတိုက်ခိုက်မှုကို ရေစကြိုမြို့အခြေစိုက် Southern YSO PDFနှင့်ပခုက္ကူမြို့အခြေစိုက်Pakokku North PDFကပူးပေါင်းတိုက်ခိုက်ခဲ့ခြင်း ဖြစ်ကြောင်းပြည်သူ့ကာကွယ်ရေးအဖွဲ့၏ စစ်ကောင်စီတော်လှန်ရေးစာမျက်နှာက သတင်းထုတ်ပြန်ထားသည်။