ရန်ကုန်တိုင်း သန်လျင်မြို့နယ်ရှိ က.ည.န အခွန်ရုံးကို မြို့နယ်ပြည်သူ့ကာကွယ်ရေးတပ်ဖွဲ့က အဝေးထိန်းဗုံးနှစ်လုံးဖြင့် ဖောက်ခွဲတိုက်ခိုက်ခဲ့သည်။
ယနေ့(မတ်လ ၃၀ ရက်) နေ့လယ်၁၁နာရီခန့်တွင် ဖောက်ခွဲခဲ့ခြင်းဖြစ်ပြီး အကြမ်းဖက်စစ်ကောင်စီ ကျည်ဆံဖိုးများရရှိရန် ပြည်သူများကို ဖိနှိပ်ခြိမ်းခြောက်၍ မော်တော်ယာဉ်အခွန်အခများ အဓမ္မပေးဆောင်စေသောကြောင့်ဖောက်ခွဲခဲ့ခြင်းဖြစ်ကြောင်း သန်လျင်ချန်နယ်က သတင်း ထုတ်ပြန်သည်။
ယင်းတိုက်ခိုက်မှုကြောင့် အပျက်အစီးအများအပြားရှိသော်လည်း ထိခိုက်ပျက်စီးမှုအတိအကျမသိရသေးကြောင်း နှင့် ဆက်လက်၍ ပြည်သူများကို အဓမ္မအခွန်ဆောင်ခိုင်းပါက ယခုထက်ပြင်းထန်သည့် တိုက်ခိုက်မှုများပြုလုပ်မည်ဟု သန်လျင်မြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။
ပေါက်ကွဲမှုဖြစ်ပြီးချိန်တွင် စစ်ကောင်စီအဖွဲ့က လိုင်စင်သက်တမ်းတိုးမည့်သူများနှင့် လိုင်စင်ဖြေရန် စောင့်ဆိုင်းနေသူများကို စစ်ဆေးမှုများပြုလုပ်ခဲ့ကြောင်း သိရသည်။
Public Service Announcement
