တက္ကသိုလ်ဝင်တန်းစာ​မေးပွဲ​ဖြေဆိုသည့် ​ကျောင်းသားများထံမှ စာ​ရေးကိရိယာများအလှူခံပြီး စစ်ဘေး​ရှောင်များစခန်းများသို့ ​ပေးပို့

“အဓိကတော့ ကျွန်တော်တို့မြို့နယ်ထဲမှာတင် စစ်ဘေးရှောင်နေရတဲ့ကလေးငယ်တွေအများကြီးလေ။စခန်းက လေးခုလောက်ရှိတယ်။သူတို့ မှာ ဝယ်ဖို့ ပိုက်ဆံမရှိဘူး။ဒါတွေကို ဖြည့်ဆည်းနိုင်ဖို့ ကျွန်တော်တို့ဆောင်ရွက်ခဲ့တာပါ”ဟု MYA တာဝန်ရှိသူက လူထုနွေဦးသို့ ပြော သည်။

အဆိုပါအစီအစဥ်လုပ်ဆောင်ခဲ့သည့် ကျောင်းငါးကျောင်းအနက် တစ်ကျောင်းလျှင် စာရေးကိရိယာ ရာနှင့်ချီရရှိခဲ့ကြောင်း ၎င်းက ဆိုသည်။

ထို့အပြင် လူမှုကူညီရေး လုပ်ဆောင်ချက်ကို ပူးတွဲဆောင်ရွက်လိုပါကလည်း ၎င်းတို့နှင့်လာရောက်ပူးပေါင်း ကြရန် မင်းပြားလူငယ်အစည်းအရုံးက ဖိတ်ခေါ်သည်။