ပဲခူးတိုင်း ၊ပေါင်းတည် နှင့် ရေတာရှည်မြို့နယ်တို့တွင် အကြမ်းဖက်စစ်ကောင်စီတပ်ကိုတိုက်ခိုက်ခဲ့ရာ စစ်ကောင်စီတပ်သား ခြောက်ဦး သေဆုံး ကြောင်း Bago Region PDF က ထုတ်ပြန် သည်။
ပေါင်းတည်မြို့နယ်အတွင်းရှိ သိမ်ကုန်းကျေးရွာမှ လဲပင်ကျေးရွာသို့ ရိက္ခာလာရောက်ပို့ဆောင်သော အကြမ်းဖက်စစ်ကောင်စီအဖွဲ့ဝင် ၈ ဦးပါ ဆိုင်ကယ် လေးစီးအား ယမန်နေ့ (ဧပြီ ၅)နေ့လည် ၂ နာရီခန့်က ပြည်ခရိုင် တပ်ရင်း ၃၆၀၁ တပ်ခွဲ ၁ က ငါးရှဉ့်ကွင်းကျေးရွာအနီးမှ ကြိုတင်စောင့် ဆိုင်း၍ ကြားဖြတ်တိုက်ခိုက်ခဲ့သည်ဟုဖော်ပြထားသည်။
ထိုတိုက်ခိုက်မှုကြောင့် အကြမ်းဖက်စစ်ကောင်စီတပ်သား ၂ ဦး သေဆုံးခဲ့သည်ဟု Bago Region PDF က အသိပေးထားသည်။
အကြမ်းဖက်စစ်ကောင်စီတပ်သားများဘက်မှ ပြန်လည်ပစ်ခတ်ခဲ့သော်လည်း ပြည်သူ့ကာ ကွယ်ရေးတပ်ဖွဲ့ဝင်များသည် အထိအခိုက်မရှိ ဆုတ်ခွါနိုင်ခဲ့ကြောင်း ထုတ်ပြန်ချက်၌ ဖော်ပြ သည်။
Public Service Announcement
အလားတူ ယနေ့ (ဧပြီ ၆ ရက်) နံနက် ၆ နာရီ ၂၀ ခန့်တွင် တောင်ငူခရိုင် ပြည်သူ့ကာကွယ်ရေးတပ်ဖွဲ့ တပ်ရင်း ၃၅၀၁ တပ်ခွဲ ၃ နှင့် အကြမ်း ဖက်စစ်ကောင်စီတပ်တို့ ထိတွေ့တိုက်ပွဲ ဖြစ်ပွားခဲ့သည်။
ရေတာရှည်မြို့နယ်အတွင်းရှိ ရိုးမပတ်လမ်းသို့ဝင်ရောက်လာ
သော အကြမ်းဖက်စစ်ကောင်စီတပ်ဖွဲ့ဝင် အင်အား၅၀ ပါစစ်ကြောင်းနှင့် မရိုးခုံကျေးရွာ မြောက်ဘက် စိန်တောင်လမ်းတွင် ထိတွေ့ တိုက်ပွဲ၌ စစ်ကောင်စီတပ်ဖွဲ့ဝင် (၄)ဦး သေဆုံးပြီး အများအပြားထိခိုက်ဒဏ်ရာရရှိခဲ့ ကြောင်း Bago Region PDF က ပြောသည်။
ပြည်သူ့ကာကွယ်ရေးတပ်ဖွဲ့ဝင်များအနေဖြင့် ထိခိုက်မှုတစုံတရာ မရှိ ပြန်လည်ဆုတ်ခွါနိုင်ခဲ့သည်ဟု သိရသည်။
