ဧပြီ ၆ရက် ညနေ ၄နာရီခန့်က ပျူစောထီးများပါဝင်သော စစ်ကောင်စီတပ်များ နှင့်ဒေသတွင်း ပြည်သူ့ကာကွယ်ရေးတပ်ဖွဲ့များအကြား အပြန်အလှန် ပစ်ခတ်မှုဖြစ်ပွားခဲ့ပြီး စစ်ကူလာသည့်ယာဥ်ပါ မိုင်းမိခဲ့ရာ ပျူစောထီ ၁၂ဦးနှင့် စစ်ကောင်စီတပ်သား ၁၀ဦး စုစုပေါင်း ၂၂ဦးသေဆုံးခဲ့ကြောင်း မဟာမိတ်အဖွဲ့ များက ထုတ်ပြန်သည်။
အဆိုပါတိုက်ပွဲတွင် ဇင်ယော်နီအထူးပြောက်ကျားတပ်ဖွဲ့၊Pantagram (ငါးထောင့်ကြယ်)၊Ayadaw Falcom Force(AF2) ၊Special Operation Force Sagaing၊ ဖောင်းဒိုင်းဖောင်းဒိုင်း၊တပ်ရင်း (၁၈) နယ်စည်းမခြားတော်လှန်ရေး အင်အားစု ဝက်လက်မြို့၊ ၊မြင်းဖြူရှင် ပြောက်ကျားတပ်ဖွဲ့၊GZ ညီနောင်၊မြင်းမူ ဗိုလ်သံခဲ စသည့်အဖွဲ့များ ပါဝင်တိုက်ခိုက်ခဲ့ကြကြောင်း အသိပေးထားသည်။
အဆိုပါဖြစ်စဥ် ဖြစ်ပွားပြီးနောက် ယမန်နေ့ (ဧပြီ ၇ ရက်)က စစ်ကောင်စီ တပ်သည် ညောင်ငုပ်တိုကျေးရွာနှင့်နယ်မြေချင်းထိဆက်နေသည့် ရွာနန်းကျေးရွာအား ဝင်ရောက်ဖျက်ဆီးမီးရှို့ခဲ့ကြပြီး နေအိမ် ၂၀၀ကျော် မီးလောင်ကျွမ်းပျက်စီးခဲ့ကာ သက်ကြီးရွယ်အိုတစ်ဦးနှင့် အမျိုးသားတစ်ဦးသတ်ဖြတ်ခံရကြောင်း ဒေသခံများက ပြောသည်။
