မြန်မာရွှေ့ပြောင်းအလုပ်သမား တစ်သိန်းကျော်အပါအဝင် အိမ်နီးချင်း ၃နိုင်ငံမှ ရွှေ့ပြောင်းအလုပ်သမား ၁၄၀,၀၀၀ ကို ထိုင်းနိုင်ငံက ခေါ်ယူမည်ဖြစ်ကြောင်း ထိုင်းအလုပ်သမားရေးရာဌာန(DoE)က ဘန်ကောက်ပို့စ်ကို ပြောသည်။
ထိုင်းနိုင်ငံသည် နှစ်နိုင်ငံသဘောတူစာချုပ်(MoU)စနစ်ဖြင့် ခေါ်ယူမည်ဖြစ်ပြီး မြန်မာ၊ လာအိုနှင့် ကမ္ဘောဒီးယားတို့မှ ရွှေ့ပြောင်းအလုပ်သမား ၁၆၇,၉၆၁ တို့၏ လျှောက်လွှာများကို လက်ခံထားကြောင်း နှင့် ၁၄၄,၇၀၉ ဦးကို အတည်ပြုလက်ခံထားကြောင်း DoE ညွှန်ကြားရေးမှူး Pairoj Chotikasathien က ပြောသည်။
အဆိုပါ ရွှေ့ပြောင်းအလုပ်သမားများတွင် မြန်မာနိုင်ငံက အများဆုံးဖြစ်ပြီး ၁၁၇,၀၂၉ ဦးပါဝင်ကြောင်းသိရသည်။
အကြမ်းဖက်စစ်တပ်က တရားမဝင်အာဏာသိမ်းပြီးနောက်ပိုင်း ပြည်တွင်း၌ အလုပ်အကိုင် အခွင့်အလမ်းနည်းပါးလာသည့်အတွက် ထိုင်းနိုင်ငံသို့ နေ့စဉ် တရားမဝင် ဝင်ရောက်မှုများရှိနေပြီး ဖမ်းဆီးခံရမှုများလည်း ရှိသည်။