စစ်အာဏာရှင်တော်လှန်ရေး မပြီးပြတ်သေး၍ သင်္ကြန်တွင် ရေမကစားခြင်းဖြင့် သပိတ်မှောက် ပါဝင်ပေးကြရန်နှင့် စစ်ကောင်စီက ကျင်းပမည့်သင်္ကြန်ပွဲတွင် ပူးပေါင်းပါဝင်မည့်သူများအားလုံး သရဏဂုံ တင်ထားကြဟု ဗန်းမော်ပြည်သူ့ကာကွယ်ရေးတပ်ဖွဲ့ – BPDFက သတိပေးထုတ်ပြန်လိုက်သည်။
တော်လှန်ရေးကာလတွင် သက်ြန်တွင်း ရေမစားကြရန် နယ်ပယ်အသီးသ်ီးကတောင်းဆိုနေချိန် ပုံမှန်ထက်ပြင်းထန်သည့် သတိပေးချက်ကို ကချင်ပြည်နယ် ဗန်းမော်မြို့အခြေစိုက် BPDFက ထုတ်ပြန်လိုက်ခြင်းဖြစ် သည်။
” ပြည်သူတို့၏ သွေးများကားမခမ်းခြောက်သေးပါ၊ နွေဦးတော်လှန်ရေးကြီးသည်ကား မပြီးဆုံးသေးပါ။ သို့ပါ၍ မကြာမီရောက်ရှိလာမည့် သင်္ကြန်ကာလအား ရေမကစားခြင်းဖြင့် သပိတ်မှောက်ပါဝင်ပေးကြရန်နှင့် စစ်ခွေးအုပ်စုမှ ကျင်းပမည့် ခွေးသင်္ကြန်ပွဲတွင် မြူးထူးကရန် လှည့်လည်ကြမည့်သူများ၊ ပူးပေါင်းပါဝင်ကြသူများအနေဖြင့်လည်း ကြိုတင်၍ သရဏဂုံ တင်ထားကြပါရန် အသိပေးလိုက်သည်”ဟု BPDFက ယမန်နေ့(ဧပြီ ၇ရက်)က ထုတ်ပြန်သည်။
ထို့အပြင် အကြမ်းဖက်စစ်ကောင်စီ၏ လူမဆန်သော အပြုအမူများကို ဖုံးကွယ်လိုသော စိတ်ယုတ်များဖြင့် ကျင်းပမည့် သင်္ကြန်ကို ဗန်းမော်မြို့ခံများလိပ်ပြာလုံလုံဖြင့် ပါဝင်နိုင်ကြပါမည်လားဟုလည်း မေးခွန်းထုတ်ထားသည်။
Public Service Announcement
တိုင်းပြည်တွင် မည်သည့်ပြဿနာမှမရှိသယောင် ကမ္ဘာကို လိမ်လည်ပြသရန်အတွက် သက်ြန်ပွဲလူစည်ကားအောင် စစ်ကောင်စီက ကြိုးပမ်းနေသည်ဟုလည်း BPDF ရဲဘော်တစ်ဦးက ပြောသည်။
စစ်ကောင်စီက ကျင်းပမည့် သက်ြန်ပွဲတော်ကို ဆန့်ကျင်ကြရန် ပြည်သူ့ကာကွယ်ရေးအဖွဲ့များ၊ ရှေ့တန်းရောက် ပြည်သူ့ရဲဘော်များ၊ နိုင်ငံရေးတက်ကြွလှုပ်ရှားသူများနှင့် စစ်အာဏာ ရှင်အား ဆန့်ကျင်နေသည့် ပြည်သူများက တိုက်တွန်းနေကြသည်။
